هێزی لابهلا دژی خواستی هاوپهیمانان و یهكخستنهوهی پێشمهرگهیه
کوردستان 10:54 AM - 2023-02-10
PUKMEDIA
هێزی لابهلا دژی خواستی هاوپهیمانان و یهكخستنهوهی پێشمهرگهیه
دروستكردنی هێزی لابهلا لهبهرژهوهندی خهڵكی ههرێمی كوردستاندا نیهو مهترسییه بۆ سهر ئاشتی كۆمهڵایهتی لهههرێم، هاوپهیمانانیش داوای هێزێكی یهكگرتووی نیشتمانیی دهكهن و یهكێتیی نیشتمانیی كوردستانیش پشتیوانی داواكهیان دهكات.
لهههفتهی رابردوودا قوباد تاڵهبانی جێگری سهرۆكی حكومهتی ههرێم لهگهڵ كونسوڵانی ئهمریكا و بهریتانیا كۆبووهوهو رایگهیاند:"ئهمریكا رۆڵی بهرچاوی له ههنگاوهكانی چاكسازیكردن لهسلكی پێشمهرگه ههبووهو نابێت هیچ بارودۆخێك كاریگهری لهسهر رێڕهوی چاكسازییهكان له وهزارهتی پێشمهرگه ههبێت".
دروستكردنی هێزی نایاسایی قبوڵكراو نیهعوسمان سێدهری جێگری سهرۆكی لیژنهی پێشمهرگه له پهرلهمانی كوردستان به سایتی رهسمی یهكێتیی نیشتمانیی كوردستان PUKMEDIA ی راگهیاند:" دروستكردنی هێزی لابهلا بۆ شهخس و لایهنی دیاریكراو یاسایی نیهو دهچێته چوارچێوهی دروستبوونی هێزی میلیشیاوه".
"پارتی بهدروستكردنی ئهو هێزانه و گوێنهدانه داوای هاوپهیمانان كه خواستیان هێزێكی یهكگرتووی بههێزه لهههرێمی كوردستان و یهكێتیی نیشتمانیی كوردستانیش پشتیوانی دهكات، ناوچهكه رووبهڕووی مهترسی دهكاتهوه" عوسمان سێدهری وای وت.
دهشڵێت:" بهپێی یاسا ههر هێزێك لهههرێمی كوردستان ههبێت پێویسته لهژێر ههیكهلی وهزارهتی پێشمهرگهدا بێت، بهڵام ئهوهی ئێستا ههیه پهیوهندی بهململانێ سیاسیییهكانهوه ههیه و هێزی لابهلا لهدژی لایهنێكی دیكه دروستدهكرێت، كه بێگومان ئهم كاره لهبهرژهوهندی خهڵك و پرۆسهی سیاسی ههرێمی كوردستان نیهو لهرووی نێودهوڵهتیشهوه خراپ بهسهر ئهزموونی ههرێمی كوردستاندا دهشكێتهوه".
مهرامی سیاسی بۆ هێزی لابهلا ههیهلایهنێكی سیاسی مهرامی دروستكردنی هێزی نایاساییه لهدژی لایهنێكی دیكهو پێچهوانهی ههڵوێستی هاوپهیمانانیشه.
لیوا ئهحمهد لهتیف وتهبێژی هێزهكانی 70ی سهر به وهزارهتی پێشمهرگه تایبهت به PUKMEDIA ی راگهیاند:" هێزهكانی 70 له رابردووداو لهئێستاشدا ههوڵی زۆری داوه بۆ یهكگرتنهوهی هێزی پێشمهرگه لهناو وهزارهتی پێشمهرگهدا، بهڵام ئهوهی ئێستا دهبینرێت مهرامی لابهلا و سیاسی لهپشتهوهیهو ناچێته ناو چوارچێوهی وهزارهتی پێشمهرگهوه".
دهشڵێت:"بافڵ جهلال تاڵهبانی سهرۆكی یهكێتیی نیشتمانیی كوردستان بهردهوام رێنمایی به ئێمه وهك هێزهكانی 70 داوه كهپهلهبكرێت لهیهكگرتنهوهی هێزهكان و نابێت هیچ هێزێك ههبێت لهدهرهوهی هێزی رهسمی".
" ههر هێزێك لهناو وهزارهتی پێشمهرگه نهبێت، نایاساییهو پێشێلكارییه و مهترسییه بۆ سهر ئاسایشی گشتی ههرێمی كوردستان و ئێمه وهك هێزهكانی 70 دانی پێدانانێین و رهتیدهكهینهوهو بێگومان دژی ههڵوێستی هاوپهیمانانیشه" لیوا ئهحمهد لهتیف وادهڵێت.
پشتیوانی داوای هاوپهیمانان دهكرێتپارت و لایهنه سیاسیهكانی ههرێمی كوردستان لهگهڵ هێزێكی یهكگرتووی نیشتمانین و هێزی لابهلا رهتدهكهنهوهو پشتیوانی داواكهی هاوپهیمانان دهكهن.
ئامانج جهمال بهرپرسی نوسینگهی سهرۆكی پارتی سۆسیالیستی كوردستان به PUKMEDIA ی راگهیاند:" پشتیوانی داوای هاوپهیمانان دهكهین بۆ رێكخستنهوهی هێزی پێشمهرگه و ههر هێزێك ههبێت، دهبێت لهچوارچێوهی وهزارهتی پێشمهرگهدا بێت".
"ههر هێزێك لهژێر دهسهڵاتی وهزارهتی پێشمهرگهدا نهبێت نایاساییه و ئێمه لهگهڵیدا نین، تهنانهت ئێمهش وهك حزبێكی خاوهن مێژوو پێشمهرگهمان ههیه و داوامانكردوه ئهو پێشمهرگانهمان بخرێتهسهر لیوا هاوبهشهكانی وهزارهتی پێشمهرگه، چونكه پێشمهرگهكانمان رۆڵێكی گرنگیان بینیوه لهخهباتی كوردایهتی و تهنانهت لهجهنگی دژی تیرۆریشدا بهشداربووین و شههیدمان داوه" ئامانج جهمال وایوت.
یهكێتیی نیشتمانیی كوردستان و پارت و لایهنهكانی دیكهش پشتیوانی یهكگرتنهوهی هێزی پێشمهرگه لهههرێمی كوردستان دهكهن و ههموو ههوڵێك دهدهن تا هێزێكی یهكگرتووی نیشتمانیی لهههرێمی كوردستان ههبێت، بێگومان ئهوهش داوای هێزهكانی هاوپهیمانانهو ههر هێزێك لهچوارچێوهی وهزارهتی پێشمهرگهدا نهبێت نایاسایی و وهك هێزێكی میلیشیا لێی دهڕوانرێت، كه ئهم حاڵهته لهههرێمی كوردستان بهرهو زیادبوون چووهو هێزێكی سیاسی بۆ مهرامی خۆی لهههوڵی دروستكردنی ئهو هێزه ملیشیایانه دهدات.
PUKMEDIA
هەواڵی زیاتر
-
نوسینگەی مەکتەبی سیاسی لەبەغدا کرایەوە
08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
06:05 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24 -
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
عیراق 04:46 PM - 2024-04-24 -
شاڵاو کۆسرەت رەسوڵ پێشوازی لە تیمی یەکێتی لە وەزارەتی تەندروستی دەکات
ی ن ک 02:22 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
کوردستان 01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
کوردستان 01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
کوردستان 12:39 PM - 2024-04-24 -
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24