فراکسیۆنی یەکێتی بەدواداچون بۆچەند کێشەیەکی هەڵەبجە و گەرمیان دەکات

پەڕەی فراکسیۆنی یەکێتی لە ئەنجومەنی نوێنەرانی عیراق

فراکسیۆنی یەکێتی بەدواداچون بۆچەند کێشەیەکی هەڵەبجە و گەرمیان دەکات

ئەمڕۆ 9-2-2023 هەریەک لە سروە محەمەد ڕەشید و چرۆ حەمە شەریف پەرلەمانتارانی یەکێتیی نیشتیمانیی کوردستان لەشاری بەغدا سەردانی وەزارەتی سەرچاوە ئاوییەکانی حکومەتی عیراقیان کرد و لەگەڵ عون زياب عەبدوڵڵا وەزیری سەرچاوە ئاوییەکان کۆبوونەوە.
لە سەردانەکەیاندا لەگەڵ وەزیری سەرچاوە ئاوییەکاندا گفتوگۆیان لەبارەی چەند خاڵێکەوە کرد و داوایان کرد،جوتیارانی خاوەن کێڵگەکانی برنج وچەڵتووک کە بەهۆی کەمبوونەوەی رێژەی ئاوی باڵەجوو و وشکە ساڵییەوە زیانیان بەرکەوتووە، هاوشێوەی جوتیارانی عیراق کە بەهۆی وشکە ساڵییەوە قەرەبوو کرانەوە، قەرەبووبکرێنەوە.
هەروەها داواشیانکرد دەرگاکانی کەناڵی ئاوی باڵەجوو بەتایبەتی ئەو بەشەی کە دەکەوێتە نێوان ناحیەی قورەتوو و خانەقین چاکبکرێنەوە و دواتر خاوێن بکرێنەوە.
هاوکات بەدواداچوون بۆ ئەو کێشانە بکرێت کە بوونەتە هۆی دواکەوتن له تەواوکردنی بەنداوی بەردەسور وتەرخانکردنی بوودجەیەکی تایبەت بۆ ئەم مەبەستە.

PUKMEDIA