کونسوڵی تورکیا سوپاسی یەکێتی و خەڵکی سلێمانی دەکات
کوردستان 02:33 PM - 2023-02-09کونسوڵی تورکیا سوپاسی یەکێتی و خەڵکی سلێمانی دەکات
پێشنیوەڕۆی ئەمڕۆ
٩/٢/٢٠٢٣ وەفدێکی یەکێتیی نیشتمانیی کوردستان بە سەرۆکایەتی سەعدی ئەحمەد پیرە و ئەندامێتی هەریەک لە د.مەجید محەمەد ئەمین و فەیسەڵ
کەریم خان و حاجی مەسیفی و ئەندامانی سەرکردایەتی و رێباز بێرکۆتی سەرۆکی فراکسیۆنی
سەوز لە ئەنجومەنی پارێزگای هەولێر بەمەبەستی گەیاندنی پرسە و سەرەخۆشی و هاوخەمی بەناوی
بافڵ جەلال تاڵەبانی سەرۆکی یەکێتیی نیشتمانیی کوردستان و سەرکردایەتییەوە ، لە شاری
هەولێر سەردانی کونسوڵخانەی گشتی کۆماری تورکیایان-کرد و لەلایەن ئەمیر تەکەر جێگری
کونسوڵی گشتی و ژمارەیەک لە دیپلۆماتکارانی کونسوڵخانەکە پێشوازیکران.
لەسەردانەکەدا سەعدی
ئەحمەد پیرە سەرەخۆشی و هاوخەمی بافڵ جەلال تاڵەبانی سەرۆکی یەکێتیی نیشتمانیی کوردستان و تەواوی سەرکردایەتی یەکێتیی نیشتمانیی کوردستانی گەیاندە حکومەت و پەرلەمان
و گەلی تورکیا و رایگەیاند: ئەم کارەساتە کارەساتێکی گەورەبوو ناخی هەموومانی هەژاند،
برینەکەی ئەوەندە قووڵە هیچ زمانێک ناتوانێت گوزارشت لە گەورەیی ئەو ئازارە بکات.
وتیشی: ئێمە بەشداری خەم و ئازارەکانتانین ، هەموو
هەوڵ و تەقەلایەکمان دەخەینە گەڕ بۆ ئەوەی بتوانین کەمێک لەو ئازار و مەینەتیانە کەم
بکەینەوەو لەلایەن خۆمانەوە وەک یەکێتیی نیشتمانیی کوردستان و حکومەتیشەوە هەڵمەتێکی
گەورەی کۆمەک و هاوکاری کۆکردنەوە بەڕێوە دەبەین بۆ هاوکاریکردن و بەهاناوەچوونی لێقەوماوانی
کارەساتەکە.
هاوکات دەرگای نەخۆشخانەکان
کراوەیە هەر هەماهەنگی و خزمەتگوزارییەکی تەندروستی لە هەرێمی کوردستانەوە، بەگشتی
هەر پێویستەیەک لە توانای ئێمەدا هەبێت بۆ لێقەوماوانی تورکیا و سوریا وەکو ئەرکێکی نیشتیمانی
و مرۆڤایەتی و نەتەوەیی و ئاینییەوە ، بەئەرکی خۆمانی دەزانین لە روانگەی مرۆڤ دۆستی
وهاوسێیەتییەوە.
لەبەرامبەردا ئەمیر
تەکەر جێگری کونسوڵی گشتی کۆماری تورکیا لە هەرێمی کوردستان سوپاسی هاتنی وەفدی یەکێتیی نیشتمانیی کوردستان-ی کرد بۆ دەربڕینی ئەو هاوسۆزیە گەرم و گوڕەی بەرامبەر بە کارەساتەکە
و لێقەوماوانەوە دەری دەبڕن، وتیشی: خۆشحاڵین کە دەبینین لە هەرێمی کوردستان بەگشتی
و شاری سلێمانی بەتایبەتی کەمپینەکانی کۆکردنەوەی کۆمەک و هاوکاری بەشێوەیەکی بەرفراوان
بەڕێوەدەچن ، ئەمەش مانای ئەو پەیوەندییە مرۆڤ دۆستانەیە کە هەمیشە لە نێوان هەردوولادا
هەبووە.
دواتر جێگری
کونسوڵی گشتی تورکیا لە هەرێمی کوردستان ئاماژەی بە گەورەیی کارەساتەکە لە رووی مرۆیی
و زیانە ئابورییەکان کرد کە بەهۆی ئەو بومەلەرزەیەوە روبەڕووی گەل و حکومەتی تورکیا
بووەتەوە.
لە کۆتاییدا سەعدی
ئەحمەد پیرە بەناوی یەکێتیی نیشتمانیی کوردستانەوە لە دەفتەری یادەوەرییەکانی تایبەت
بە پرسەی قوربانیانی کارەساتەکە بەچەند دێرێک هاوسۆزی و هاوخەمی یەکێتیی نیشتمانیی کوردستانی بۆ گەل و حکومەت و پەرلەمانی تورکیا دووپاتکردەوە.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18