سەرۆككۆمار: هەوڵەكانمان بۆ هاوكاری لێقەوماوانی بومەلەرزەكە دەخەینەگەڕ

نووسینگەی رۆژنامەوانی سەرۆكایەتی كۆمار

سەرۆككۆماری عیراق و سەرۆك كۆماری سوریا

سەرۆككۆمار پەیوەندی بە بەشار ئەسەد سەرۆك كۆماری سوریاوە دەكات و دووپاتی دەكاتەوە كە: "هەموو تواناكان دەخرێنە گەڕ لە پێناو كەسوكاری قوربانییان و لێقەوماوان".

د. لەتیف جەمال رەشید سەرۆككۆماری عیراق ئێوارەی چوار شەممە، 8ی شوباتی 2023 بە تەلەفۆن لەگەڵ بەشار ئەسەد سەرۆككۆماری سوریا قسەیكرد و پرسە و ماتەمی خۆی گەیاند بە سەرۆك ئەسەد و گەلی سوریای برا و كەسوكاری قوربانیانی كارەساتی بوومەلەرزە ناخ هەژێنەكە.

 سەرۆك لەتیف جەمال رەشید هەڵوێستی گەلی عیراق و حكومەتەكەی بەوپەڕی هاوسۆزی بۆ  گەلی سوریا - توركیا دووپاتكردەوە، هەروەها جەختیكردەوە كە هەموو تواناكان دەخرێنەگەڕ لە پێناو كەسوكاری قوربانییەكان و لێقەوماوان.

 لای خۆیەوە، بەشار ئەسەد سەرۆك كۆمار بەناوی خۆی و گەلی سوریا، سوپاس و پێزانینی خۆی بۆ سەرۆك لەتیف جەمال رەشید و حكومەت و گەلی عیراق دەربڕی لەبەرامبەر هەڵوێستی عیراق، كە بە كردەوە هەڵوێستی عیراق لە یەكەم سەعاتی رووداوە دڵتەزێنەكەوە نیشاندرا.

PUKMEDIA