ئامارەكانی كەمپینی هاوخەمتانین لە سلێمانی

PUKMEDIA

وێنەی بومەلەرزەكە و كەمپەینی هاوخەمیتان

هاوكارییەكانی كەمپینی هاوخەمتانین كە لەلایەن دەزگا میدیایی كوردسات و رێكخراوی منداڵپارێزی كوردستان و مۆزەخانەی نیشتمانی ئەمنەسورەكەوە لە سلێمانی راگەیەندراوە بەردەوامە و هاووڵاتیان دەتوانن لەرێی ژمارە تەلەفۆنی 07501194074 هاوكارییەكانیان بە FastPay، بگەیەننە كەمپینەكە.

بەپێی نوێترین ئامار، ئەمڕۆ كە دووەم رۆژی كەمپینی هاوخەمیتان بوو لە سلێمانی، تا ئێستا 51 ملیۆن دیناری عیراقی و 3850 دۆلاری ئەمریكی و 200 پاوەن بۆ زیانلێكەوتووانی بومەلەرزەكەی باكور و رۆژئاوای كوردستان كۆكراونەتەوە.

هەر بەپێی ئامارەكە 48 ئامێری گەرمكەرەوە، 32 پارچە كەلوپەلی خاوەن پێداویستی، 4 خێمە، 8300 پارچە پێداویستی پزیشكی، 37 پارچە یاری منداڵان، 3908 كگم خۆراك، 4429 بەتانی و راخەر، 5996 پارچە جلوبەرگ، 454 پارچە پێداویستی منداڵان، 609 قوتو و پارچە شیر بۆ زیانلێكەوتنوان كۆكراونەتەوە.

ژمارەی قوربانیانی روداوی بومەلەرزەكە سات لەدوای سات لە زیادبووندایە و تا ئەم ساتە ژمارەی گیانلەدەستدان لە توركیا و باكوری كوردستان گەیشتووەتە 9 هەزار و 57 كەس و ژمارەی بریندارانیش گەیشتووەتە 52 هەزار و 979 كەس.
 
هاوكات گیانلەدەستدان لە رۆژئاوای كوردستان و سوریا گەیشتووەتە 2 هەزار و 751 كەس، ژمارەی بریندارانیش گەیشتووەتە 4 هەزار و 654 كەس.

بەرەبەیانی رۆژی دوو شەممە 6-2-2023، بومەلەرزەیەك بە گوڕی 7.4 پلە بە پێوەری رێختەر، باكوری كوردستان و توركیا و رۆژئاوای كوردستان و سوریای هەژاند، بەپێی دواین ئاماریش جگە لە زیانێكی ماددی زۆر كە بەر ئەو ناوچانە كەوتوون، 65 هەزار و 112 كەس بوونەتە قوربانی.

PUKMEDIA