لە یادی 20 ساڵەی شەهیدبوونی شەوکەتی حاجی مشیر و هاوڕێکانیدا

PUKMEDIA

شەوکەتی حاجی مشیر و هاوڕێکانی

20 ساڵ تێدەپەڕێت بەسەر شەھیدبوونی سەرکردە شەوکەتی حاجی مشیر دڵسۆزی رێبازی مام و یەکێتی نیشتیمانی کوردستان و هەردوو فەرماندە (حیکمەت حاجی عسمان و سەردار غفور سلێمان) کە لەپێناو ئازادی و رێبازی چەپکە گوڵەکەی مام گیانیان بەخشی بەکوردستان، ئەوان ئاشتیخواز و بۆ دوورخستنەوەی مەترسی شەمشەمە کوێرەکانی بەناو (انصاراسلام) لەگوندی گامێش تەپە لەشارەزوور لەگەڵ چوار هاووڵاتی بێتاوانی بنەماڵەی شێخ صاڵح شەهید دەبن .

یەکێتی نیشتیمانی کوردستان بەبەردەوامی بۆ رزگاری خاک و ئارامی خەڵکی کوردستان قوربانی داوە و  بەردەوامە لە قوربانی دان بۆ ئازادی و پێکەوە ژیان لە کوردستان، بەداخەوە تاقمە تیرۆرستیەکان و تاریک پەرستەکان و نامۆکان بە کۆمەڵگەی کوردەواری، چاویان بەئازادی و پێکەوەژیان هەڵنایەت هەمیشە لەهەوڵی تێکدان و لەناوبردنی بیروڕای فرەین .

 شەهیدی سەرکردە  شەوکەوتی حاجی مشیر  پێشمەرگەی دوو شۆڕش بووە و هەموو ژیانی خەبات و تێکۆشان بوە بۆ رزگاری کوردستان لەگەڵ هەڤاڵەکانی دەیانەوێت بەگفتوگۆو هەڵبژاردنی رێبازەکەی مام کەهەمیشە ئاشتیخوازانە و دوور لەتوندوتیژی بووە  بگەن بەڕێککەوتنێک کە هەموان کوردستان بەماڵی خۆیان بزانن و بەڕێگای ئاشتیانە خزمەت بە کۆمەڵانی خەڵکی کوردستان بکەن .

ئەگەرچی یەكێتی هەمیشە  دەستێکی بەهێزی بەرپەرچدانەوە بووە و لەهەر هێرشێكی دوژمندا رۆڵەكانی یەكێتی لەپێشەوە بەرگرییەكی قارەمانانەیی مان و نەمانیان كردووە و دەریایەك خوێنی بەخشیوە، بەڵام لە رۆژێکی وەک ئەمڕۆدا  تیرۆرستانی (انصار اسلام) دەرفەتی گفتوگۆ بەکاردەهێنن بۆ جێبەجێکردنی مەبەستی گڵاویان و سێ سەرکردەو هەڤاڵی یەکێتیی نیشتمانیی کوردستان و چەند ئەندامێکی ئەوخانەوادەیەی کەلەماڵیانداکۆبونەتەوە دەدەنە بەر دەستڕێژی گولەو شەهیدو برینداریان دەکەن.

لەساڵیادی ئەم شەهیدە سەربەرزانەدا سەری رێزو وەفا دادەنەوێنین بۆ گیانی پاکیان و بەڵێنی درێژەپێدەری رێبازەکەیان دەبین، هەمیشەش نەفرەت لە تیرۆرستان و شەمشەمە کوێرەکانی تاریکی دەکەین .

سەربەرزی بۆ شەهیدانی رێگای ئازادی و رزگاری کورد و کوردستان سەرشۆڕی بۆ دوژمنانی گەلەکەمان.

مەڵبەندی ٩ی رێکخستنی شارەزوور

PUKMEDIA