ئاسایشی سلێمانی گروپێکی تیرۆریستی دەستگیردەکات

بەڕێوەبەرایەتی ئاسایشی ڕۆژئاوای سلێمانی

ئاسایشی سلێمانی گروپێکی تیرۆریستی دەستگیردەکات

ئاسایشی رۆژئاوای سلێمانی لە ناحیەی تەکیە تاقمێکی تیرۆریستی دەستگیر دەکات کە ئەندامەکانیان پێکهاتبوون لە هەشت تۆمەتبار  .

پشت بەستوو بەزانیارییە هەواڵگرییەکان و بەدواداچوونی ورد  ، زانیاری بەدەست هات لەسەر بوونی تاقمێکی تیرۆریستی کە لەسنوری قەزای چەمچەماڵ خۆیان حەشارداوە و هەڵهاتوون لە یاسا .

دوای رەزامەندی دەزگای ئاسایشی هەرێم ، لێکۆڵینەوەی لەبارەی ئەم کەیسەوە دەستیپێکرد و بەڵگەی دروست لەسەر پێشینەی تاقمەکە دەست کەوت و بەبڕیاری دادوەری لێکۆڵینەوە رۆژی ٥ ی ٢ ی ٢٠٢٣ لە چەند هەڵمەتێکی جیاجیادا هێزەکانی بەڕێوەبەرایەتیمان بە هاوکاری هێزەکانی ئۆپەراسیۆنی دەزگای ئاسایشی هەرێم ، بەڕێوەبەرایەتی ئاسایشی سلێمانی ، (٨)تۆمەتباری لەیاسا هەڵهاتوو کە داواکراوبوون لە دادگاکانی عێراق بە پێی مادەی (٢) تیرۆر دەستگیرکران .

پاش لێکۆڵینەوە دەرکەوت تۆمەتبارە دەستگیراوەکان پێشینەی کاری تاوانکاری و تیرۆریان هەبووە و بەشداربوون لەچەندین کردەوەی تیرۆریستی و شەهیدکردنی هاوڵاتی و کارمەندانی هێزەئەمنییەکانی عێراق بە ناوەکانی ( ثامر صالح عبداللە/پۆلیس ،  ناجي حمید صحن/پۆلیس ،  فۇاد خلف احمد/صحوە ،  ثامر حمد صحن/ صحوە ) 
هەر بەپێی دانپێدانانی تۆمەتباران 

١-(ص، ح ، م)
٢-(ص ، م ، م )
٣-(م ، ص ، م ) 
٤-(س ، ص ، م) 
٥-(ع ، ص ، م ) 
٦-(ص ، ص ، م )
٧-(ر ، ح ، م ) 
٨-(ط ، ص ، م )

لەساڵی (٢٠٠٤) پەیوەندیان بە رێکخراوی تیرۆریستی قاعیدەوە کردوەو بەشداربوون لە ئەنجام دانی چەندین کاری تاوانکاری و تیرۆریستی و دواتر بەیعەتیان بە تیرۆریستانی داعش داوەو دەبنە چەکدارو لەدەروەی یاسا و بەها مرۆڤایەتییەکان درێژە بە کارە تیرۆریستییەکانیان ئەدەن دواتر بەمەبەستی خۆحەشاردان  بەناوی خوازراو ناسنامەی ساختە و کارکردنەوە دێنە سنوری تەکیە و بازیان نیشتەجێ دەبن .
 سەرجەم دەستگیراوەکانیش رووبەڕووی دادگا کرانەوە بۆ لێکۆڵینەوەی زیاتر .

بەڕێوەبەرایەتی ئاسایشی ڕۆژئاوای سلێمانی

PUKMEDIA