سەركەوت زەكی سەرپەرشتی مەڵبەندی خانەقین دەكات

PUKMEDIA

سەركەوت زەكی سەرپەرشتی مەڵبەندی خانەقین دەكات

سەركەوت زەكی لێپرسراوی مەكتەبی رێكخستنی یەكێتیی نیشتمانیی كوردستان سەرپەرشتی مەڵبەندی 8ی خانەقین دەكات تا ئەو كاتەی هەڤالێكی دیكە وەك لێپرسراوی ئەو مەڵبەندە دیاریدەكرێت.

سەرلەبەیانی رۆژی 6/2/2023  سەرکەوت زەکی لێپرسراوی مەکتەبی رێکخستن بەیاوەری مامۆستا کاکە ڕەش سدیق لێپرسراوی بۆردی رێکخستن و ژمارەیەک  لەئەندامانی مەکتەبی رێکخستن ، سەردانی مەڵبەندی 8ی رێکستنی خانەقینی کرد و لەلایەن هێرش حەبیب ئەندامی سەرکردایەتی وهەڤاڵانی مەڵبەندەوە  پێشوازیكران . 

لەو بارەیەوە مەراسیمێکدا سەرکەوت زەکی وەک سەرپەرشتیاری مەڵبەندی خانەقین دەبێت تا ئەو کاتەی هەڤاڵێکی سەرکردایەتی ئەرکی لێپرسراویەتی مەڵبەندی پێ دەستپێردرێت.

هێرش حەبیب لەووتەیەکی کورتدا باسی لەکاروچالاکی ئەو گرفت و ئاستنەگانە کرد ،کە لە رابردوودا هاتوونەتە رێیان ،لەوتەیەكیشدا سەرکەوت زەکی دەستخۆشی لێكرد كە چەند ساڵی رابردوودا  کاری زۆر باشیان کردووە و جێگەی دەستی دیار بووە.

سەركەوت زەكی باسی لە مێژووی خانەقین و خانەقینیەکان كرد   لە خەبات و  وقوربانیدان و وتی:" خانەقین لە شۆرشی نوێ دا بەرابەرایەتی سەرۆک مام جەلال  و قوربانیەکی زۆری بە خشیوە" راشیگەیاند:" ئەم شارە پێوستی بە خزمەتکردنە و یەکێتی خۆی بە خاوەنی ئەم شارە دەزانێت و درێغی ناکات  و ئەمسا ڵ ساڵی ئاشتکردنەوەی خەڵک و گەشەکردنی یەکێتیەکەمانە بەسەرۆکایەتی بافڵ جەلال تاڵەبانی ، چونکە خەباتی مێژووی یەکێتی بۆ بەدەست هێانی ئازادی و خزمەتکردنی خەڵک بوە".

PUKMEDIA