قوباد تاڵەبانی گرفتی ئاوی دەربەندیخان چارەسەر دەکات

کوردسات نیوز

پرۆژەی ئاوی دەربەندیخان

بەبڕیاری جێگری سەرۆکی حکومەت گرفتی ئاوی دەربەندیخان چارەسەر دەکرێت، کە زیاتر لە 10 ساڵە نیوەی پرۆژەی ئاوی دەربەندیخان تەواو بووەو بەجێهێڵراوە.

عەلی حەمە سالح ئەندامی پەرلەمانی کوردستان لە پەڕەی تایبەتی خۆی لە تۆڕی کۆمەڵایەتی فەیسبوک نوسیویەتی: "لەسەرتای کاری پەرلەمانتاریمەوە چەندین جار بە نوسراوی رەسمی داوام لە حکومەتی هەرێمی کوردستان کردوە کە چارەسەرکردنی گرفتی ئاوی دەربەندیخان بکات بەڵام وەڵام نەدراومەتەوەو گوێم لێ نەگیراوە".

ئاماژەی بەوەشداوە: "ئەمڕۆ پاش گفتوگۆکردم لەگەڵ قوباد تاڵەبانی جێگری سەرۆکی حکومەتی هەرێم لەسەر هەمان بابەت بەسوپاسەوە رەزامەندی دەربڕی بە چارەسەرکردنی ئەو گرفتەو سەرۆکی شارەوانی دەربەندیخانی راسپارد بۆ تەواوکردنی پرۆژەی ئاوی دەربەندیخان".

"جێی خۆیەتی سوپاسی قوباد تاڵەبنی جێگری سەرۆکی حکومەت بکەم کە بەدەم پێشنیارەکەمەوە هات و بڕیاری چارەسەرکردنی گرفتەکەی دا"، عەلی حەمە ساڵح وایوت.

PUKMEDIA