قوباد تاڵەبانی: یەكگرتووی ئیسلامی هەڵگری چاكسازی سیاسی راستەقینەیە

نوسینگەی رۆژنامەوانی قوباد تاڵەبانی

قوباد تاڵەبانی: یەكگرتووی ئیسلامی هەڵگری چاكسازی سیاسی ڕاستەقینە

قوباد تاڵەبانی سەرپەرشتیاری مەکتەبی سکرتارییەتی سەرۆک مام جەلال، بەبۆنەی تێپەڕبوونی بیست و نۆ ساڵ بەسەر ڕاگەیاندنی یەكگرتووی ئیسلامی كوردستان دا‌، پەیامێکی پیرۆزبایی ئاڕاستەی سەركردایەتی و ئەندامان و جەماوەرەکەی دەکات.

دەقی پەیامەکە...

بەڕێز مامۆستا سە‌ڵاحە‌دین بەهادین ئە‌مینداری گشتی یە‌كگرتووی ئیسلامی کوردستان
سەركردایەتی و ئەندامان و جەماوەری یەکگرتووی ئیسلامیی کوردستان

بەبۆنەی تێپەڕبوونی بیست و نۆ ساڵ بەسەر ڕاگەیاندنی یەكگرتووی ئیسلامی كوردستان دا‌، پیرۆزباییتان لێ دەكەم.

یەكگرتووی ئیسلامی کوردستان وەک حزبێکی نیشتمانی و هێزێکی میانڕەو رۆڵی خۆی بینیوە لەگۆڕەپانی سیاسی کوردستاندا و هەڵگری گوتاری گرنگ بووە بۆ ئەنجامدانی چاكسازی سیاسی ڕاستەقینە. 

لەم ساڵیادەدا دەخوازین پێکەوە هاندەربین بۆ هێنانەکایەی کەشی لێکتێگەیشتن و یەکڕیزی هێز و لایەنە سیاسیەکان لەپێناو پاراستنی بەرژەوەندییە باڵاکان کە ئێوەش لەیەکگرتووی ئیسلامی کوردستان هەوڵی بۆ دەدەن. 


قوباد تاڵەبانی 
سەرپەرشتیاری مەکتەبی سکرتارییەتی سەرۆک مام جەلال

PUKMEDIA