سەرۆک بافڵ بۆ یەکگرتووی ئیسلامی: پێكەوە كوردستان بەرەو ئاوەدانی زیاتر ببەین

نوسینگەی رۆژنامەوانی سەرۆک بافڵ

سەرۆک بافڵ بۆ یەکگرتووی ئیسلامی: پێكەوە كوردستان بەرەو ئاوەدانی زیاتر ببەین

‎بافڵ جەلال تاڵەبانی سەرۆکی یەکێتیی نیشتمانیی کوردستان بەبۆنەی ساڵیادی راگەیاندنی یەكگرتووی ئیسلامی كوردستانەوە پەیامێکی پیرۆزبایی ئاڕاستەی ئەندامانی ئەنجوومەنی جێبەجێكردن و سەركردایەتییەکەی دەکات.

دەقی پەیامەکە...

بەڕێز مامۆستا سەڵاحەدین محەمەد بەهائەدین 
‎ئەمینداری گشتیی یەكگرتووی ئیسلامی كوردستان
‎
بەڕێزان ئەندامانی ئەنجوومەنی جێبەجێكردن و سەركردایەتیی یەكگرتووی ئیسلامی كوردستان.

‎بەبۆنەی ساڵیادی راگەیاندنی یەكگرتووی ئیسلامی كوردستانەوە پیرۆزباییەكی گەرم ئاڕاستەی ئێوە، ئەندام و لایەنگرانتان دەكەم.

‎هیوادارم ئەم یادە دەرفەتێك بێت بۆ قووڵكردنەوەی گیانی تەبایی و هەماهەنگی زیاتر لەپێناو سەقامگیریی هەرێمەكەمان و خزمەتكردنی زیاتری خەڵكە خۆشەویستەكەمان. 
‎ئەركی هەموولایەكمانە بە رۆحێكی كوردانە و دوور لە جیاوازییەكانمان خەبات بۆ مافەكانی كورد بكەین و پێكەوە كوردستان بەرەو ئاوەدانی و خۆشگوزەرانی زیاتر ئاڕاستە بكەین.

‎هەر شاد و سەرفرازبن


‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

PUKMEDIA