مەڵبەندی 18ی یەكێتی: پارێزگاری كەركوك بڕیاری نابەجێ دەدات
ی ن ک 08:55 PM - 2023-02-05مەڵبەندی 18 ی رێكخستنی رۆژهەڵاتی كەركوك
مەڵبەندی هەژدەی رێكخستنی رۆژهەڵاتی كەركوك، لەبارەی تێكدانی كەركوك بە بەرنامە و بڕیاری دانانی قائیمقامێكی عەرەب بۆ داقوق، پەیامێك بڵاودەكاتەوە و رایدەگەیەنێت: "دژ بەیاساكانی دەستور و مافی پێكهاتەكان و تێكدانی باری ئەمنی شارەكە بڕیاری نابەجێ سەبارەت بەدابەشكردنی پۆستی ئیداری و كارگێری شارەكە دەدرێت لەكاتێكدا بەپێی دەستور هیچ هێز و لایەنێك بۆی نییە مافی پێكهاتەیەك پێشێل بكات".
دەقی راگەیەنراوەكە:
راگەیەندراوێك لە مەڵبەندی هەژدەی رێكخستنی رۆژهەڵاتی كەركوكەوە
هاووڵاتیانی شاری كەركوكی
خۆشەویشت
خەڵكی خۆڕاگری شارۆچكەی داقوق
ئاشكرایە كۆمەڵانی خەڵكی عیراق بەهەموو پێكهاتەی نەتەوەیی و ئاینی و مەزهەبییەوە لەماوەی ساڵانی حوكمی دكتاتۆرییەتی بەعسی گۆربەگۆر رووبەڕووی نەهامەتی و چەندین سیاسەتی دژ بەمرۆڤایەتی و نەتەوەیی و مەزهەبی و ئاینی بوونەوە. هەر بۆیە بارودۆخی عیراق بەردەوام لە شڵەژان و ناسەقامگیری سیاسی و ئەمنی و ژینگەیەكی كۆمەڵایەتی پڕ كێشەی نێوان پێكهاتەكان بوو بەهۆی خۆسەپاندنی هێزی دەسەڵات و زاڵكردنی پێكهاتەیەك بەسەر پێكهاتەكانی تر. ئەنجامەكەشی پڕۆسەی ئازادی و روخان و لەناوچونی رژێم و دەسپێكردنەوەی قۆناغێكی نوێ بوو لە عیراقێكی فیدراڵی پەرلەمانی كەمافی سەرجەم پێكهاتەكان مسۆگەر بكات .
بەشداریكردنی سەرجەم پێكهاتەكان لەنووسینەوە و دانانی دەستورێك كەمافی گەلانی تیا مسۆگەر كرابێ لەقۆناغێكدا بوو كە وڵات لەبارودۆخێكی دژوار و هەستیاری پاش پرۆسەی ئازادی عیراقدا بوو، پاشان بەزۆرینەی دەنگی هاووڵاتیان پەسەند كرا خۆی لەخۆیدا رەتكردنەوەی هێزی خۆسەپاندنە لەهەر هێز و دەسەڵاتێكەوە بێت.
كەچی تا ئێستاش لەپارێزگای كەركوك بەبەرنامە هەوڵئەدرێت دژ بەیاساكانی دەستور و مافی پێكهاتەكان و تێكدانی باری ئەمنی شارەكە هەڵسوكەوت و بڕیاری نابەجێ ئەدرێ سەبارەت بەدابەشكردنی پۆستی ئیداری و كارگێری شارەكە.
لەكاتێكدا بەپێی دەستورو رێژەی پێكهاتەكان لەدەسەڵاتە خۆجێییەكان پۆستە ئیداری و كارگێرییەكان دابەش ئەكرێت و هیچ هێز و لایەنێك بۆی نییە مافی پێكهاتەیەك پێشێل بكات.
هەر وەك چۆن ئەمڕۆ جگە لە پارێزگایەكی سەپێنراو پۆستی قائیمەقامییەتی داقوقیش بەبڕیارێكی سەرۆكی ئەنجومەنی عیراق كەبێگومان پارێزگارە سەپێنراوەكەی كەركوكیش رۆڵێكی گەورە و كاریگەری هەبووە لەدەركردنی ئەو بڕیارە بەخشراوە بەكەسێك لەپێكهاتەی عەرەبی كەئەمەش پێچەوانەی یاسای مافی پێكهاتەكانە بێ رەچاوكردنی هاوسەنگی پۆستە ئیداری و كاڕگێڕییەكانی شارەكە.
بۆیە ئێمە وەكو پێكهاتەیەكی گرنگ و سەرەكی شارەكە ئەو بڕیارەی ئەنجومەنی وەزیرانی عیراق رەت دەكەینەوە و هەموو رێكارە یاسای و مافی خۆپیشاندان ئەگرینەبەر دژی ئەو بڕیارە داواش لەبەرێز (محمەد شیاع سودانی)سەرۆكی ئەنجومەنی وەزیرانی عیراق دەكەین لەڕوانگەی بەرپرسیارەتی و هەستكردن بەمەترسی كاریگەریی ئەم بڕیارە لەسەر تێكدانی بارودۆخی سیاسی و ئیداری و كۆمەڵایەتی شاری كەركوك .
بەپەلەو دەستەبەجێ ئەو بڕیارە رەتبكاتەوە تاكاردانەوەی خراپی لێ نەكەوتووەتەوە بەپێچەوانەشەوە تێكچونی بارودۆخی ئیداری شاری كەركوك دەخرێتە ئەستۆی سەرۆكی ئەنجومەنی وەزیرانی عیراق و پارێزگارە سەپێنراوەكەی كەركوك.
لەكۆتاییدا داوامان ئەوەیە كەبڕیارەكان بۆ بەرژەوەندی گشتی بێت و مافی هەموو پێكهاتەكانی تیا پارێزراو بێت و كارەكانیش لەپێناو ئاشتبوونەوەی گشتی بێت نەك بۆ دروستكردن و كێشەو ململانێ .
هەر شادو سەركەوتوو بن
مەڵبەندی 18 ی رێكخستنی رۆژهەڵاتی كەركوك
PUKMEDIA
هەواڵی زیاتر
-
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06
ئەمانەش ببینە
قوباد تاڵەبانی: توانای مرۆیی باشمان هەیە و رێکنەخراوە
06:31 PM - 2024-05-06
سەرۆک بافڵ گەیشتە واشنتن
06:23 PM - 2024-05-06
ئاگر زیانی ملیۆنان دۆلار لە كاسبكارانی هەولێر دەدات
12:17 PM - 2024-05-06
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
01:42 PM - 2024-05-05
زۆرترین خوێنراو
-
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
کوردستان 03:40 PM - 2024-05-06 -
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06 -
ئاگر زیانی ملیۆنان دۆلار لە كاسبكارانی هەولێر دەدات
کوردستان 12:17 PM - 2024-05-06 -
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
کوردستان 11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05