قوباد تاڵەبانی و باڵیۆزی بەریتانیا: کێشە ناوخۆییەکانی هەرێم بە گفتوگۆ چارەسەربکرێن
کوردستان 05:25 PM - 2023-02-02قوباد تاڵەبانی لەگەڵ مارک برایسن ریچاردسن کۆبووەوە
قوباد تاڵەبانی، جێگری سەرۆک وەزیران لە هەولێر لەگەڵ مارک برایسن ریچاردسن، باڵیۆزی بەریتانیا لە عیراق کۆبووەوە و پێکەوە پەیوەندییەکانی نێوان هەرێم و بەغداد و دۆخی ناوخۆیی کوردستانیان تاوتوێ کرد.
لە کۆبوونەوەکەدا کە ئەمڕۆ بەڕێوەچوو و تیایدا ڕۆزی كەیڤ كونسوڵی گشتیی بەریتانیا لە هەولێر ئامادەی بوو، قوباد تاڵەبانی رایگەیاند: باشترین بژاردە بۆ هەرێمی کوردستان و بۆ بەغدادیش رێککەوتنێکی گشتگیری درێژخایەنە بەپێی دەستور لەسەر بودجە و یاسای نەوت و گاز و کێشە هەڵپەسێردراوەکانی دیکە.
جەختیشی کردەوە: "پێویستە هەرچی زووە ئەم رێککەوتنە بکرێت و دواکەوتنی رێککەوتن لە بەرژەوەندی هیچ لایەکدا نییە".
جێگری سەرۆک وەزیران ئاماژەی بەوەشدا "داواکاری سەرەکی هاووڵاتیانی کوردستان خزمەتگوزارییە، هەربۆیە ئەولەوییەتی ئێمەش دابینکردنی بودجەیە بۆ ئەوەی بتوانین وەک پێویست پڕۆژە خزمەتگوزارییەکان جێبەجی بکەین".
لە بەشێکی دیکەی کۆبوونەوەکەدا باسی کێشە ناوخۆییەکانی هەرێم کرا و هەردوولا جەختیان کردەوە کە دەبێت کێشەکان لەڕێی گفتوگۆوە چارەسەر بکرێن.
هەر لەم چوارچێوەیەشدا و سەبارەت بە دۆسیەی شەهیدکردنی هاوکار جاف، قوباد تاڵەبانی رایگەیاند:"هەر لە رۆژی یەکەمەوە یەکێتیی نیشتمانیی کوردستان داوای پێکهێنانی لیژنەیەکی هاوبەشی کرد بۆ لێکۆڵینەوە لە دۆسیەکە و ئێستاش چاوەڕێی پێکهێنانی ئەو لیژنەیەین بە ئامادەبوونی لایەنی نێودەوڵەتی تا راستییەکان وەک خۆی بۆ رای گشتی ئاشکرا بکرێت".
لە کۆبوونەوەکەدا باسی ریفۆرم لە هێزەکانی پێشمەرگەش کرا و لەمبارەیەشەوە جێگری سەرۆک وەزیران ئاماژەی بەوەدا" کە سوورین لەسەر بەردەوامیدان بە چاکسازییەکان و رێگە نادەین کێشە سیاسییەکان کاریگەری لەسەر رەوتی چاکسازییەکانی وەزارەتی پێشمەرگە هەبێت".
PUKMEDIA
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
پلهبهرزكردنهوهی مووچهخۆرانی ههرێم رهزامهندی بهغدای دهوێت
10:40 AM - 2024-04-20
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
زۆرترین خوێنراو
-
دارایی عیراق سێ بانک بۆ دروستکردنی تەوتین دەستنیشان دەکات
کوردستان 04:35 PM - 2024-04-20 -
هاوخەمی سەرۆک بافڵ بۆ بنەماڵەی خاتوو رقیە
پرسەنامە 03:27 PM - 2024-04-20 -
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19