سەرۆك بافڵ و باڵیۆزی ئەڵمانیا: ناكۆكییەكانی نێوان هەرێم و بەغدا تێبپەڕێندرێن

نووسینگەی سەرۆكی یەكێتی

سەرۆكی یەكێتی و باڵیۆزی ئەڵمانیا

بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغدا پێشوازی لە مارتین یێگەر، باڵیۆزی ئەڵمانیا لە عیراق كرد.

لە دیدارێكدا جەخت لە پەرەپێدانی پەیوەندییەكان و فراوانكردنی هەماهەنگییەكانی نێوان هەردوولا كرایەوە بەتایبەت لە بوارە ئابووری و كەلتوورییەكان و بەردەوامی هاوكارییەكان بۆ هێزی پێشمەرگەی كوردستان لە چوارچێوەی رێكخستن و یەكخستنەوەی هێزەكە.

تێپەڕاندنی ناكۆكییەكانی نێوان هەرێم و عیراق تەوەرێكیتری دیدارەكە بوو و هەردوولا هاوڕابوون چارەسەرێكی گونجاو بۆ كێشەكان بدۆزرێتەوە بەشێوەیەك كە مافی هەموولایەك پارێزراوبێت.
سەرۆك بافڵ ئاماژەی بە بڕیارە بوێرانەكەی پەرلەمانی ئەڵمانیا كرد بۆ بەجینۆسایدناساندنی كۆمەڵكوژیی خوشك و برا ئێزیدییەكان و وتی: "یەكێتیی نیشتمانیی كوردستان پێشوازی لەم بڕیارە گرنگ و بوێرانەیە دەكات و هیوادارین وڵاتانی تریش هاوشێوەی ئەڵمانیا هەنگاوی لەمشێوەیە بگرنەبەر".

PUKMEDIA