قوباد تاڵه‌بانی له‌گه‌ڵ فراكسیۆنی یه‌كێتی كۆبوه‌وه‌

پەڕەی هەرێم كەمال ئاغا

كۆبوونەوەی قوباد تاڵەبانی لەگەڵ فراكسیۆنی یەكێتی لە ئەنجومەنی نوێنەران

قوباد تاڵه‌بانی سه‌رپه‌رشتیاری مه‌كته‌بی سكرتاریه‌تی سه‌رۆك مام جه‌لال له‌گه‌ڵ فراكسیۆنی یه‌كێتی له‌ ئه‌نجومه‌نی نوێنه‌رانی عیراق كۆبوه‌وه‌و ته‌ئكیدی له‌رێككه‌وتن و چاره‌سه‌ركردنی ریشه‌یی كێشه‌كانی هه‌ولێرو به‌غدا به‌پێی یاسا و ده‌ستوور كرده‌وه‌.

سه‌میر هه‌ورامی وته‌بێژی قوباد تاڵه‌بانی بۆ سایتی ره‌سمی یه‌كێتی PUKMEDIA وتی:" له‌كۆبوونه‌وه‌كه‌دا گفتوگۆ له‌باره‌ی كاروباری فراكسیۆنی یه‌كێتی و دابه‌شكردنی سه‌رۆكایه‌تی لیژنه‌كانی په‌رله‌مانی عیراق كراو وه‌ك هه‌میشه‌ش له‌خزمه‌تی كۆمه‌ڵانی خه‌ڵكدا بن".

هه‌روه‌ها هه‌رێم كه‌مال ئاغا سه‌رۆكی فراكسیۆنی یه‌كێتی له‌ په‌رله‌مانی عیراق به‌ سایتی PUKMEDIA ی راگه‌یاند:"قوباد تاڵه‌بانی سه‌رپه‌رشتیاری مه‌كته‌بی سكرتاریه‌تی سه‌رۆك مام جه‌لال له‌ به‌غدا به‌ئاماده‌بوونی نزار ئامێدی وه‌زیری ژینگه‌ی عیراق له‌گه‌ڵ فراكسیۆنی یه‌كێتی له‌ ئه‌نجومه‌نی نوێنه‌رانی عیراق كۆبووه‌وه‌و له‌كۆبونه‌وه‌كه‌دا باس له‌ دواین پێشهاته‌ سیاسیه‌كانی عیراق و كێشه‌كانی نێوان هه‌ولێر وبه‌غدا كرا" .

وتیشی:"له‌كۆبوونه‌وه‌كه‌دا جه‌خت له‌ پێویستی رێككه‌وتن چاره‌سه‌ركردنی ریشه‌یی كێشه‌كان به‌پێی یاسا و ده‌ستوور كرایه‌وه‌، هه‌روه‌ها پرسی دابه‌شكردنی لیژنه‌كانی په‌رله‌مانی عیراق و وه‌رگرتنی به‌رپرسیارێتی زیاتر بۆ ئه‌ندامانی فراكسیۆنی یه‌كێتی بابه‌تێكی دیكه‌ی كۆبوونه‌وه‌كه‌ بوو".

PUKMEDIA