riklam

یادێك بۆ هه‌ردوو شەهیدى فه‌‌رمانده‌ حوسێن مەنسوور و شێرکۆ فاتیح شوانی

کوردستان 10:40 AM - 2023-01-30
 (هه‌ردوو شەهیدى فه‌‌رمانده‌ (حوسێن مەنسوور، شێرکۆ فاتیح شوانی PUKMEDIA

(هه‌ردوو شەهیدى فه‌‌رمانده‌ (حوسێن مەنسوور، شێرکۆ فاتیح شوانی

یەکێتی شەهید

لە پەیامێکدا سه‌رۆكایه‌تى ده‌سته‌ى ئه‌ركانى هێزه‌كانى 70 لە (8)هەمین ساڵیادی شەهیدبوونی هەردوو فەرماندەی قارەمان لیوا "حوسێن مەنسوور"  لیوا  "شێركۆ فاتیح شوانی" و  پۆلێک لە هاوسەنگەرەکانیان بەرز رادەگرن.

دەقی پەیامەکە...

سه‌رۆكایه‌تى ده‌سته‌ى ئه‌ركانى هێزه‌كانى 70 لە (8)هەمین ساڵیادی شەهیدبوونی هەردوو فەرماندەی قارەمان لیوا "حوسێن مەنسوور"  لیوا  "شێركۆ فاتیح شوانی" و  پۆلێک لە هاوسەنگەرەکانیان سەری رێز و نەوازش دادەنەوێنین و یادى شه‌هید بوونى هه‌ردوو فه‌رمانده‌ لەگەڵ سەرجەم شەهیدانی تری كوردستان بەرز ڕادەگرین .

هەردوو شەهید نمونەبوون لە ئازایەتی و گیانفیدایی خۆشەویستی ناو پێشمەرگەو هەڤاڵ و هاوسەنگەرەكانیان وەفادارو به‌ ئه‌مه‌ك بوون به‌رامبه‌ر خاكى پیرۆزى كوردستان
لە ڕۆژگارێكی پڕ لەنەهامەتی بەرامبەر ڕێكخراوێكی تیرۆریستی وەكو داعش لە پێناو ئازادی و کەرامەتی کوردانه‌دا  گیانیان بەخشی و سەركەوتنیان بۆ گەلەکەیان تۆمارکرد. 

ئەڵبەتە سەروەری و شانازیی ئەو سەرکەوتنە گەورانەی هێزی پێشمەرگە کە ئەوێ رۆژێ بە سەر تاقم و گروپە تیرۆریستییەکان بەدەستهات لە پێش دا بۆ شەهیدان و کەسوکارە سەربەرزەکانیان مەدالیای فەخرە کە به‌ ئازایەتیی و قارەمانێتی خۆیان بوونە سیمبۆڵی بەرەنگاربوونەوە و تێکشکاندنی رێکخراوی تیرۆریستی داعش و هەر لەو پێناوەشدا گیانی خۆیان بەخت کرد.

لەمڕۆژە پڕماتەمەتدا به‌ڵێنی به‌رده‌وامى خه‌بات و گیان فیدایى و ڕێبازى به‌رگرى كردن له‌ خاكى پیرۆزى كوردستان دووپات ده‌كه‌ینه‌وه‌ و وەک هەمیشە لەسەنگەری بەرگری گەلەکەماندا دەبین .

ھەزار سڵاو لەگیانی پاکی شەهیدان  لیوا  شێرکۆ فاتیح شوانی و لیوا حوسێن مەنسوور و سه‌رجه‌م شه‌هیدانى كورد و کوردستان .

سه‌رۆكایه‌تى ده‌سته‌ى ئه‌ركانى هێزه‌كانى 70

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket