د.جوان ئیحسان: یەكێتی بۆ یەكڕیزی كورد دەرگای كراوەیە

PUKMEDIA

د.جوان ئیحسان ئەندامی مەكتەبی سیاسی یەكێتی

د.جوان ئیحسان ئەندامی مەكتەبی سیاسی یەكێتیی نیشتمانیی كوردستان رایدەگەیەنێت:"یەكێتی باوەڕی بەهەڵبژاردن هەیە وەك كۆڵەگەیەكی دیموكراسی  و بەهیچ جۆرێك نابێتە بەربەست و باوەڕی بەدەستاودەستكردنی ئاشتیانەی دەسەڵات هەیە"، بەڵام:" یەكێتی بۆ هەڵبژاردنی پەرلەمانی كوردستان داوای رەوای هەیە كە پاككردنەوەی تۆماری دەنگدەران و پرسی كۆمسیۆن و یاسای هەڵبژاردنێكی گونجاو دایە كە بێگەردی پرۆسەكە گەرەنتی بكات".

د.جوان ئیحسان لە دیدارێكی تایبەتدا لەگەڵ سایتی رەسمی یەكێتیی نیشتمانیی كوردستان PUKMEDIA دەڵێت: "یەكێتی نە لە هەرێم و نە لە عیراقیش سازش لەسەر ژیان و گوزەرانی خەڵك ناكات و نەیكردووە، ئەم پەیامە زۆر روونە و سەرۆك بافڵ جەلال تاڵەبانی سەرۆكی یەكێتی بە ئاشكرا رایگەیاندووە و بە پراكتیكیش كاری پێدەكات" و دەڵێت:" یەكێتی هەمیشە دەرگای كراوەیە و كراوە دەبێت لە پێناوی گفتۆگۆ و یەكریزی كورد لە بەغدا و هیچ مەرجێكمان بۆ یەكریزی نێوماڵی كورد نییە".

 ئەو ئەندامەی مەكتەبی سیاسی رایدەگەیەنێت:" هەڤاڵ قوباد تاڵەبانی پێش ئەوەی حزبی بێت، پیاوی دەوڵەتەدارییە، وەكو حزب پشتیوانی لێدەكەین و بە فیگەرێكی زۆر سەركەوتووی ئەبینین، لە ماوەی رابردوودا و تا ئێستاش  زۆر بە تەحەمولە و بەرپرسیارانە مامەڵەدەكات و بەرپرسیارە لە ئاست بەرپرسیارێتدا، لەناو حكومەت".

بەم زوانە PUKMEDIA دەقی دیدارەكەی د.جوان ئیحسان بڵاودەكاتەوە كە لەبارەی پرسی هەڵبژاردن و هەوڵەكانی یەكێتی لە بەغدا و هاوبەشێتی راستەقینە لە حكومەتی هەرێم و عیراق و ریفۆرمی ناوخۆیی یەكێـیی قسەدەكات.

PUKMEDIA