سەعدی ئەحمەد پیرە سەردانی عەمار حەکیم و خالید شوانی دەکات

نوسینگەی رۆژنامەوانی سەعدی ئەحمەد پیرە

سەعدی ئەحمەد پیرە سەردانی عەمار حەکیم و خالید شوانی دەکات

سەعدی ئەحمەد پیرە سەردانی عەمار حەکیم و خالید شوانی دەکات

سەعدی ئەحمەد پیرە بە یاوەری هەڤاڵان رابیحە حەمەد ئەندامی سەركردایەتی ‌و لێپرسراوی مەڵبەندی بەغدای یەكێتیی نیشتیمانیی كوردستان و د. مۆفەق دەرگەڵەیی راوێژكار لە سەرۆكایەتی كۆمار و حاجی فارس ئاغا رەشگەری  ئەندامی خولی پێشووی ئەنجومەنی نوێنەرانی عیراق، لەشاری بەغدا سەردانی سەید عەمار حەکیم سەرۆکی رەوتی حیکمەی كرد.

‎لە دیدارێکدا هەردوولا بیرو رایان لەبارەی رەوشی سیاسی عیراق و هەرێمی کوردستان و ناوچەکە ئالوگۆڕکرد، هاوکات تیشکیان خستەسەر دواین پێشهات و پەرەسەندنەکانی پرۆسەی سیاسی و کاریگەری بوونی سەقامگیری سیاسی و ئاسایش لە ناوچەکە، کە دەبێتە زامنی بەرەوپێشچوونی ئاشتی و ئاوەدانی و خۆشگوزەرانی، هه‌ردوولاش هاوڕابوون كه‌ نزیكى و یه‌كده‌نگى نێوان لایه‌نه‌ سیاسییه‌كان كلیلی چاره‌سه‌رى كێشه‌كانە.

هاوکات هەر لەشاری بەغدا سەعدی ئەحمەد پیرە سەردانی وەزارەتی دادی كرد و لەلایەن خالید شوانی وەزیری دادی حكومەتی عیراق پێشوازی لێكرا.

لە دیدارەكەدا سەعدی ئەحمەد پیرە بەگەرمی پیرۆزبایی لە خالید شوانی وەزیری دادی حكومەتی عیراق كرد و هیوای خواست لە کابینەی نوێی حكومەتی عیراق لە چوارچێوەی ئەو بەرنامەیەی بۆ  داهاتوو لە بواری سەروەری یاسا و دادگاکان داندراوە بۆ ئاسانکاری و ڕاییکردنی کاروباری هاووڵاتیان رۆڵێکی گرنگ بگێڕن  لە چەسپاندنی سەروەری  یاسا و زیاتر متمانەدان بە پەیوەندی نێوان  هاوڵاتیان و دادگاکان.