riklam

قوباد تاڵەبانی و وەفدێكی ئەڵمانیا: بەدیالۆگ كێشەكان چارەسەر بكرێن

کوردستان 01:10 PM - 2023-01-26
قوباد تاڵەبانی و تۆبیاس لیندنەر نووسینگەی قوباد تاڵەبانی

قوباد تاڵەبانی و تۆبیاس لیندنەر

ئەڵمانیا قوباد تاڵەبانی

قوباد تاڵەبانی جێگری سەرۆك وەزیران، ستایشی وڵاتی ئەڵمانیای كرد لەپای هاوكاریی و هەماهەنگییان بۆ چاكسازی لەوەزارەتی كاروباری پێشمەرگەو رێكخستنەوەی هێزی پێشمەرگە.

قوباد تاڵەبانی، جێگری سەرۆك وەزیران ئەمڕۆ  26-1-2023 بەئامادەبوونی دابان شەدەڵە، جێگری لێپرسراوی فەرمانگەی پەیوەندییەكانی دەرەوە، لە هەولێر پێشوازیی لە تۆبیاس لیندنەر، وەزیری دەوڵەت لە وەزارەتی دەرەوەی ئەڵمانیای فیدراڵ و شاندێكی باڵای یاوەری كرد.

لەكۆبوونەوەكەدا باس لەڕەوشی سیاسی هەرێمی كوردستان و عیراق كراو وەفدی میوان پەرۆشی خۆیان بۆ سازان و رێككەوتنی لایەنە سیاسییەكانی هەرێمی كوردستان دەربڕی.

لەبارەی رەوشی عیراقیش كۆبوونەوە جەختی لە گرنگی چارەسەركردنی هەر گرفتێك لەڕێی دیالۆگەوە كردەوە لەپێناو پاراستنی سەقامگیری و بەرژەوەندی گشتی.

لەبەشێكیتری كۆبوونەوەكەدا، قوباد تاڵەبانی باسی لەچاكسازییەكان كرد و لەوبارەیەوە ستایشی وڵاتی ئەڵمانیای كرد لەپای هاوكارییەكانی بۆ چاكسازی لەوەزارەتی كاروباری پێشمەرگە و رێكخستنەوەی هێزی پێشمەرگەی كوردستان. هەروەها ئاماژەی بەرۆڵی گرنگی ئەوان-دا بۆ هەماهەنگییان لەگەڵ رێكخراوەكانی كۆمەڵگەی مەدەنی بەتایبەت لەبوارەكانی رێگری كردن لە توندتیژی دژی خێزان و فراوانكردنی بیری ئازادی رادەربڕین، هەر بۆیە داوای لێكردن كەبەردەوام بن لەهاوكارییەكانیان.

PUKMEDIA

 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket