خاتوو گەلاوێژ بۆ PUKMEDIA : ئێوە سەرکەوتون

کوردستان 09:45 PM - 2023-01-24

خاتوو گەلاوێژ پیرۆزبایی 20هەمین ساڵیادی دامەزراندنی سایتی رەسمی یەکێتیی نیشتمانیی کوردستان PUKMEDIA لە سەرنوسەر و سەرجەم کارمەندانی دەکات.

دەقی پیرۆزبایی نامەکە:

20 ساڵەی تەمەنی PUKMEDIA پیرۆزبێت

ئازیزان سەرنووسەرو ڕۆژنامەنووس و كارمەندانی تەواوی ستافی ماڵپەڕی PUKMEDIA، لە قوڵای دڵەوە جوانترین پیرۆزبایی خۆمتان پێشكەش دەكەم بەبۆنەی دەستپێكردنی بیست ساڵەی پەخشەكەتانەوە.

شوێن و پێگەی ماڵپەڕەكەتان لەكایەی میدیای ئەلیكترۆنیدا بەرزو دیارە، هیوادارم هەروا بەبەرزی بمێنێتەوە كەدڵنیام ئاواتی مامی گەورەو خەونی یەك بەیەكی شەهیدانی ڕۆژنامەگەری یەكێتیەكەتانە.

دەزانم ئەركی ئێوە لەم سەردەمی دونیای تەكنەلۆژیاو گەیاندنی خێرای پەیام و زانیاریەدا قورس و گرانە، بەڵام هەر ئەوەتان لێ چاوەڕوان دەكرێت كەسەركەوتووبن وەك چۆن سەركەوتووبون.

دووبارە پیرۆزبایی ئەم ڕۆژەتان  لێدەكەم و دڵنیا بن ماڵپەڕەكەتان سەرچاوەیەكی سەرەكی هەواڵ و زانیاریە بۆ خەڵكی كوردستان، چونكە خاوەنی پەیامی پیرۆزن.

گەلاوێژ

PUKMEDIA