دیلان غەفور: بۆ دەربڕینی ناڕەزایی لە داقوق دەبین

PUKMEDIA

دیلان غەفور

نوێنەرێکی یەکێتی لەئەنجومەنی نوێنەرانی عیراق دەڵێت: "دژی پێدانی پۆستی قائیمقامی قەزای داقوقین بە پێکهاتەی عەرەب و بۆ دەربڕینی ناڕەزایی لەداقوق دەبین".

دیلان غەفور ئەندامی فراکسیۆنی یەکێتی لەئەنجومەنی نوێنەرانی عیراق لە پەڕەی تایبەتی خۆی لەتۆڕی کۆمەڵایەتی فەیسبوک دەڵێت: "بۆ دەربڕینی ناڕەزایی لە داقوق دەبین و داوا لە خەڵکی قەزاکە دەکەین لەبەردەم قائیمقامیەت کۆببنەوە".

دەشڵێت: "پارێزگاری سەپێندراوی کەرکوک، بە پێچەوانەی یاساو داوایەکی ئێمەو بە ڕەچاونەکردنی ھاوسەنگیی لە پۆستەکانی ئیدارەی کەرکوک و قەزاکانی ئەو پارێزگایە، ھەستاوە بە دانانی قائیمقامی قەزای داقوق و پۆستەکەی داوە بە کەسێک لە پێکھاتەی عەرەبی لەکاتێکدا ماف و پشکی پێکھاتەی کوردییە".

"ئێمە زۆر بە تووندی دژی ئەم بڕیارە دەوەستینەوەو داوای دەستێوەردانی بەپەلەی ئەنجومەنی وەزیران و بەڕێز سەرۆکوەزیرانی عێراق دەکەین، بۆ ئەو مەبەستەش وەک بەشێک لە پەرلەمانتارانی کەرکوک سبەینێ لەناو بینای قائیمقامیەتی قەزای داقوق دەمێنینەوە تا ھاتنەسەرخەتی لایەنی پەیوەندیدارو ڕاگرتنی جێبەجێکردنی ئەو بڕیارە، داواش لە خەڵکی قەزاکە دەکەین بۆ دەربڕینی ناڕەزایی لەبەردەم قائیمقامیەت کۆببنەوە"، دیلان غەفور وایوت.

PUKMEDIA