جەعفەر شێخ مستەفا: مەكتەبی ڕێكخستن دڵی حزبە

ڕاگەیاندنی ئەندامی ئەنجومەنی باڵای سیاسی

جەعفەر شێخ مستەفا: مەكتەبی ڕێكخستن دڵی حزبە

پێش نیوەڕۆی ئەمڕۆ شێخ جەعفەر شێخ مستەفا ئەندامی ئەنجومەنی باڵای سیاسی و بەرژەوەندی ی.ن.ك سەردانی بارەگای مەكتەبی ڕێكخستنی لەسلێمانی كردو لەلایەن  سەركەوت زەكی ئەندامی مەكتەبی سیاسی و لێپرسراوی مەكتەبی ڕێكخستن و  مامۆستا كاكە ڕەش سدیق و مەلا ئاری ئەندامانی سەركردایەتی و ئەندامانی مەكتەب و كادرانی مەكتەبەوە بەگەرمی پێشوازیكرا.

لە دیدارێكدا شێخ جەعفەر شێخ مستەفا باسی لەمێژووی پڕ سەروەری یەكێتی كرد و رایگەیاند یەكێتی رووبارێك خوێنی بەخشیووە لەپێناو ئەم ئازادییەی ئەمڕۆ بەدەستهاتووە،  پێویستە شانازی بەیەكێتیەكەمانەوە بكەین.

دواتر باسی لەگرنگی و پێگەی مەكتەبی ڕێكخستن كرد و رایگەیاند مەكتەبی رێكخستن دڵی حزبە و خوێندنگەی پێگەیاندنی كادرە و سەرچاوەی هێزی یەكێتییە، لەكاتی هەڵبژاردنەكانیشدا رۆڵی بەرچاوی دەبێت لەگەڵ تەواوی ئۆرگانەكانی تردا، بۆیە پێویستە هەموومان پشتیوانی لێبكەین بۆ سەركەوتن و گەشەكردنی.

لای خۆیەوە سەركەوت زەكی سوپاسی ئەو پشتیوانی و پشتگیرییەی كرد و تەئكیدیکردەوە كە درێغی ناكەن و ئەوەی لەتوانایاندا بێت دەیكەن بۆ بەهێزتركردنی یەكێتییەكەی  مام و رایگەیاند هەموومان لەمەكتەبی ڕێكخستن بەیەك تیم كاردەكەین بۆ گەیشتن بەئامانجە سەرەكییەكە كەخزمەتكردنی كۆمەڵانی خەڵك و كەسوكاری سەربەرزی شەهیدانە.

PUKMEDIA