سەرۆک بافڵ: سوتاندنی قورئانی پیرۆز لەسوید هەوڵێکی نەزۆکە

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان رۆژی دوو شەمممە 23-1-2023، پەیامێکی بڵاوکردوەتەوە و دەڵێت: "سوتاندنی قورئانی پیرۆز لە سوید دوورە لە هەموو ئازادییە کەسییەکانەوە و هەوڵێکی نەزۆکە بۆ تێکدانی گیانی تەبایی و پێکەوەژیان".

ئاماژەی بەوەشداوە: " یەکێتیی نیشتمانیی کوردستان رێزی هەموو ئاین و ئاینزاکان دەگرێت و هێرشکردنە سەر پیرۆزییەکان رەتدەکاتەوە".
سەرۆکی یەکێتی لە پەیامەکەیدا وتوشیەتی: "داواکارین حکومەتی سوید رێوشوێنی پێویست و یاسایی بگرێتەبەر بۆ رێگرتن لە دووبارەنەبوونەی رووداوی لەم شێوەیە".

دەقی پەیامەکە

سوتاندنی قورئانی پیرۆز لە سوید دوورە لە هەموو ئازادییە کەسییەکانەوە و هەوڵێکی نەزۆکە بۆ تێکدانی گیانی تەبایی و پێکەوەژیان. یەکێتیی نیشتمانیی کوردستان رێزی هەموو ئاین و ئاینزاکان دەگرێت و هێرشکردنە سەر پیرۆزییەکان رەتدەکاتەوە.

داواکارین حکومەتی سوید وەک کۆڵەکەیەکی پاراستنی مافی مرۆڤ و ئازادییە کەسییەکان، رێوشوێنی پێویست و یاسایی بگرێتەبەر بۆ رێگرتن لە دووبارەنەبوونەی رووداوی لەم شێوەیە.

بافڵ جەلال تاڵەبانی
سەرۆکی یەکێتیی نیشتمانیی کوردستان