قوباد تاڵەبانی بۆ عەلی زەیدی: گەشبینم کێشە هەڵپەسێردراوەکان چارەسەر بکەیت

راگەیاندنی جێگری سەرۆکی حکومەت

قوباد تاڵەبانی جێگری سەرۆکی حکومەتی هەرێمی کوردستان

قوباد تاڵەبانی جێگری سەرۆکی حکومەتی هەرێمی کوردستان، بەبۆنەی بەدەستهێنانی دەنگی متمانەی ئەنجومەنی نوێنەرانی عیراق پیرۆزبایی لە عەلی فالح زەیدی، سەرۆکوەزیرانی حکومەتی فیدراڵ دەکات و گەشبینینیشە بەوەی لە سەردەمی حکومەتەکەیدا بەپێی دەستوور و بە لێکتێگەیشتن هەموو کێشە هەڵپەسێردراوەکانی نێوان هەرێمی کوردستان و حکومەتی فیدراڵ چارەسەر بکرێن.

دەقی پیرۆزباییەکەی قوباد تاڵەبانی :

بەڕێز عەلی فالح زەیدی، سەرۆکوەزیرانی حکومەتی فیدراڵ

بەبۆنەی بەدەستهێنانی دەنگی متمانەی ئەنجومەنی نوێنەرانی عیراق پیرۆزباییەکی گەرم ئاراستەی بەڕێزتان و هەموو وەزیرە بەڕێزەکان دەکەم و هیوای سەرکەوتنتان بۆ دەخوازم لە دابینکردنی ئاسایش و سەقامگیری و هەنگاونان بەرەو گەشەپێدانی ئابووری و باشترکردنی دۆخی ژیان و گوزەرانی هەموو هاووڵاتییانی عیراق.

گەشبینین بەوەی لە سەردەمی حکومەتەکەی بەڕێزتاندا بەپێی دەستوور و بە لێکتێگەیشتن هەموو کێشە هەڵپەسێردراوەکانی نێوان هەرێمی کوردستان و حکومەتی فیدراڵ چارەسەر بکرێن و بۆ ئەم مەبەستەش ئامادەین بۆ هەموو جۆرە پشتیوانی و هاوکارییەک.

قوباد تاڵەبانی
جێگری سەرۆکی حکومەتی هەرێمی کوردستان

PUKMEDIA