ترەمپ: سزاکانی سەر تورکیا هەڵدەگرم

میدیاکان

دیداری رەجەب تەیب ئەردۆگان و دۆناڵد ترەمپ

دۆناڵد ترەمپ سەرۆکی ئەمریکا، رایدەگەیەنێت: سزاکانی سەر تورکیا هەڵدەگرێت و بۆ فرۆشتنی فڕۆکەی جەنگی لە جۆری ئێف-35 بڕیار دەدەن.
 ترەمپ  دوای گەیشتنی بە تورکیا و لە وەڵامی پرسیارێکی پەیوەست بە رێکارەکانی سەپاندنی سزا بەسەر نەیارەکانی ئەمریکا، رایگەیاند: " سزاکانی سەر تورکیا هەڵدەگرم".

تورکیا لە ساڵی 2020، سیستمی بەرگری ئێس 400ی لە روسیا کڕی، بەمەش واشنتن چەندین سزای بەسەردا سەپاند و فرۆشتنی فڕۆکەی ئێف-35 یشی بۆ ئەو وڵاتە هەڵپەسارد، کە تورکیا لەو کاتەدا، رایگەیاند: بریارەکە نایاسایی و نادادپەروەرانەیە.

چاوەڕوان دەکرێت، ترەمپ پشتگیری خۆی بۆ فرۆشتنی ئەو فڕۆکەیە بە تورکیا رابگەیەنێت، هەرچەندە ئەم پشتگیرییە رووبەڕووی لەمپەری یاسایی و کۆنگرێس دەبێتەوە،چونکە هێشتا ئەو پرسە چارەسەر نەکراوە.

ترەمپ، راشیگەیاند: دەربارەی ئەو پرسە و بڕیار لە فرۆشتنی فڕۆکەی ئێف-35 بە تورکیا دەدەن، هەروەها لەگەڵ رەجەب تەیب ئەردۆگان سەرۆککۆماری تورکیا، باس لە لایەنی ئابوری دەکەین.

PUKMEDIA