نزار ئامێدی: دەنگدانی ئەنجومەنی نوێنەران بە کابینەی وەزاری هەنگاوێکی دەستورییە

نوسینگەی رۆژنامەوانی سەرۆک کۆمار

نزار ئامێدی سەرۆک کۆماری عیراق

نزار ئامێدی رایدەگەیەنێت:دەنگدانی ئەنجومەنی نوێنەران لەسەر کابینەی نوێ، هەنگاوێکی دەستوری زۆر گرنگە بەرەو چەسپاندنی سەقامگیریی سیاسی لە عیراق.

نزار ئامێدی سەرۆک کۆماری عیراق دوای کۆبوونەوەی ئەنجومەنی عیراق لە ئێکس پەیامێکی بڵاوکردەوە و رایگەیاند: دەنگدانی ئەنجومەنی نوێنەران لەسەر کابینەی وەزاری، وێستگەیەکی نیشتمانیی یەکلاکەرەوە و هەنگاوێکی دەستووریی زۆر گرنگە بەرەو چەسپاندنی سەقامگیریی سیاسی، بەهێزکردنی ئاسایش و سەروەریی عیراق، و یەکخستنی هەوڵەکان بۆ رووبەڕوبوونەوەی تەحەددییەکانی ئێستا و بەدیهێنانی شایستەکان.

راشیگەیاند: پیرۆزبایی لە برامان عەلی زەیدی و خانم و بەڕێزان وەزیرەکان دەکەین بەبۆنەی بەدەستهێنانی متمانەی ئەنجومەنی نوێنەران و هیوادارین لە نزیکترین کاتدا کابینەی وەزاری تەواو بکرێت، بەشێوەیەک کە دەستپێکردنێکی کارا لە جێبەجێکردنی کارنامەی حکومەت و بەدیهێنانی خواستەکانی گەلی عیراق دەستەبەر بکات.

PUKMEDIA