سبەینێ ئەنجومەنی نوێنەران بۆ دەنگدان لەسەر کابینەکەی عەلی زەیدی کۆدەبێتەوە

راگەیاندنی ئەنجومەنی نوێنەرانی عیراق

دانیشتنی ئەنجومەنی نوێنەرانی عیراق/ئەرشیف

ئەمڕۆ چوارشەممە 13ی5ی2026 ئەنجومەنی نوێنەرانی عیراق کاتی بەڕێوەچوونی دانیشتنی ئەنجومەنەکەی، بۆ دەنگدان لەسەر حکومەتی نوێی عیراق بە سەرۆکایەتی عەلی زەیدی راگەیاند.

لە بەیاننامەیەکدا کە کۆپییەکی دەست PUKMEDIA کەوتووە، نوسینگەی راگەیاندنی ئەنجومەنی نوێنەرانی عیراق ئاماژەی بەوە کردووە: سبەینێ پێنجشەممە 14ی5ی2026، دانیشتنی ژمارە 24ی خۆی بۆ دەنگدان لەسەر کارنامەی وەزاری و کابینەی حکومەتی سەرۆک وەزیرانی راسپێردراو (عەلی زەیدی) ئەنجام دەدات.

ئەمەش لەکاتێکدایە، رۆژی دووشەممە 27ی نیسانی 2026 لە مەراسیمێکی رەسمیدا کە لە کۆشکی بەغداد بەڕێوەچوو، نزار ئامێدی سەرۆک کۆماری عیراق، عەلی زەیدی بۆ پێکهێنانی حکومەتی نوێی عیراق راسپارد.

PUKMEDIA