سەرۆککۆمار: دیالۆگ ئامرازێکە بۆ چەسپاندنی ئاسایش و سەقامگیری

راگەیاندنی سەرۆککۆمار

نزار ئامێدی و نوری مالیکی

نزار ئامێدی سەرۆک کۆمار لەگەڵ نووری مالیکی سەرۆکی هاوپەیمانی دەوڵەتی یاسا کۆبووەوە و تیایدا بارودۆخی گشتی وڵات و پێشهاتی سیاسی ئێستایان تاوتوێ کرد.

لە میانی دیدارەکەدا کە ئەمڕۆ دووشەممە 4-5-2026 لە بەغداد بەڕێوەچوو ، سەرۆک کۆمار جەختیکردەوە لە گرنگی پتەوکردنی یەکڕیزی نیشتمانی و هەماهەنگی نێوان هێزە سیاسییەکان، کە یارمەتیدەربێت بۆ پەلەکردن لە پێکهێنانی حکومەتی نوێ بەگوێرەی بەرنامەی کاری حکومەت کە بتوانێت پێداویستیی هاووڵاتیان دابین بکات و خزمەتگوزاری و باری گوزەرانیان باشتر بکات .

هاوکات جەختیکردەوە لە گرنگی پشت بەستن بە  دیالۆگ و هەماهەنگی وەک ئامرازێک بۆ چەسپاندنی ئاسایش و سەقامگیری و چەسپاندنی بنەماکانی دیموکراسی لە وڵاتدا.

وەزیری داد خالید شوانی ئامادەی کۆبوونەوەکە بوو.

PUKMEDIA