عیراق و هەرێم لەسەر ئەسیكۆداو یەكخستنی سیاسەتی گومرگی رێككەوتن

واع

كۆبوونەوەی ئەمڕۆی ئەنجوومەنی وەزاریی بۆ كاروباری ئابوریی عیراق

ئەنجوومەنی وەزاریی بۆ كاروباری ئابوریی عیراق، بڕ‌یاری یەكخستنی سیاسەتی گومرگی لە سەرجەم دەروازەكان و رێگەدان بە هاوردەكردنی زێڕ‌ لەڕێگەی دەروازەی ترێبیڵ بە شێوەیەكی كاتی دەركرد.

لەڕ‌اگەیەندراوێكی ئەنجوومەنی وەزاریی بۆ كاروباری ئابوریی عیراق كە كۆپییەكی دەست  PUKMEDIA  كەوتووە راگەیەندراوە: ئەمڕ‌ۆ 6ی 4ی 2026،‌ ئەنجوومەنی وەزاریی بۆ كاروباری ئابوری عیراق بەئامادەبوونی ژمارەیەك لەوەزیرانی حكومەتی فیدراڵی و وەفدێكی باڵای حكومەتی هەرێمی كوردستان كۆبووەوەو لەكۆبوونەوەكەدا بڕ‌یاردرا وەفدێكی تەكنیكی لەبەڕ‌ێوەبەرایەتی گشتی گومرگی هەرێمی كوردستان بۆ یەكخستنی رێكارە تەكنیكییەكان بەڕ‌ەچاوكردنی تایبەتمەندییە یاساییەكانی هەرێمی كوردستان لەگەڵ تیمی نیشتمانی وەزارەتی دارایی فیدراڵ كۆببنەوە.

لەتەوەرێكی دیكەی كۆبوونەوەكەدا، ئەنجوومەنی وەزاریی بۆ كاروباری ئابوریی عیراق بڕ‌یاریدا دەروازەی سنووریی ترێبیڵ وەك دەروازەی رەسمی بۆ هاوردەكردنی زێڕ‌ بۆ نێو عیراق زیاد بكرێت. 

بەشداربوونی كۆبوونەوەكە پێكهاتبوون لەسكرتێری ئەنجوومەنی وەزیران، سەرۆكی دیوانی ئەنجوومەنی وەزیران، نوێنەری حكومەتی هەرێمی كوردستان لەبەغداد، راوێژكارانی وەزارەتی دارایی و سەرۆكی ژوورە بازرگانییەكانی هەولێر، سلێمانی، دهۆك و هەڵەبجە كۆبووەو لەكۆبوونەوەكەدا باس لەمیكانیزمەكانی جێبەجێكردنی سیستمی (ئەسیكۆدا) لەدەروازەكانی هەرێمی كوردستان كراو رێككەوتن لەسەر یەكخستنی سیاسەتی گومرگی، لەوانەش پێناسەی گومرگی و سیاسەتی پاراستنی بەرهەمی ناوخۆیی.


جێی ئاماژەیە، ئەنجومەنەكە میوانداری وەفدێكی هەرێمی كوردستانی كرد، بەنوێنەرایەتی سكرتێری ئەنجومەنی وەزیرانی هەرێم و سەرۆكی دیوانی ئەنجوومەنی وەزیران و راوێژكاری وەزارەتی دارایی و بەڕ‌ێوەبەری گشتی گومرگ و بەڕ‌ێوەبەری گشتی بەدواداچوون و هەماهەنگی و سەرۆكی ژوورەكانی بازرگانی پارێزگاكانی هەولێر، سلێمانی، دهۆك و هەڵەبجە، بەمەبەستی گفتوگۆكردن لەسەر یەكخستنی رێكارە گومرگییەكان لە سەرجەم دەروازە سنوورییەكان،  وەزیرانی نیشتەجێكردن و شارەوانی و داد، جگە لەڕ‌اوێژكاری سەرۆكوەزیران بۆ كاروباری گومرگ و دەروازە سنوورییەكان، بەڕ‌ێوەبەری گشتی دەستەی گشتی گومرگ، بەڕ‌ێوەبەری گشتی دەسەڵاتی گشتی باج و تیمی نیشتمانی بۆ جێبەجێكردنی سیستەمی ASYCUDA.

PUKMEDIA