یەكەم كەشتی نەوت هەڵگری عیراق لەگەروی هورمزەوە تێپەڕی

AP

گەرووی هورمز

كەشتییەكی نەوت هەڵگر كەدوو ملیۆن بەرمیل نەوتی عیراقی هەڵگرتبوو، لە گەرووی هورمزەوە تێپەڕی.

ئاژانسی بلومبێرگ رایگەیاند: كەشتی نەوت هەڵگری "ئۆمێگا تریدەر" (Omega Trader)، كە دوو ملیۆن بەرمیل نەوتی عیراقی هەڵگرتبوو لە گەرووی هورمزەوە تێپەڕی و گەیشتە شاری مومبای هندستان، ئەمەش یەكەم جوڵەی نەوتی عیراقە لەگەروی هورمزەوە لەدوای هێرشەكان بۆسەر  ئێران.

ئەمەش لەكاتێكدایە، رۆژی شەممە 28ی 2ی 2026، هێرشی هاوبەشی ئیسرائیل-ئەمریكا بۆسەر ئێران دەستیپێكردو ئێرانیش بەردەوام وەڵامی هێرشەكان دەداتەوە، هاوكات لە رۆژی 2ی 3ی 2026 ەوە، گەرووی هورمز لەلایەن ئێرانەوە بەڕووی كەشتییە بارزگانییەكان و كەشتییەكانی گواستنەوەی سووتەمەنیدا داخراوە، بەو هۆیەوە نرخی سووتەمەنی و بەشێك لە كاڵا و خۆراكەكان لەسەر ئاستی جیهان بەرزبووەتەوە.

PUKMEDIA