نەوتی باکور: لە هەوڵداین زیاتر لە 500 هەزار بەرمیل نەوت هەناردە بکەین

واع

کۆمپانیای نەوتی باکور

کۆمپانیای نەوتی باکور رایدەگەیەنێت،لە توانایاندایە رۆژانە 500 هەزار بەرمیل نەوت هەناردە بکەن و دەشیانەوێت  بە هەماهەنگی لەگەڵ هەرێمی کوردستان ئەو بڕە زیاتر بکەن.

 بەپێی راگەیەندراوێکی کۆمپانیاکە، پرۆسەی هەناردەکردنی نەوت لە کێڵگەی (بای حەسەن) و وێستگەکانی (سەردەشاخ و سارەلوو) بە شێوەیەکی ئاسایی و بەبێ هیچ گرفتێک دەستیپێکردووە.

ئاماژە بەوەش کراوە، بۆری سەرەکی هەناردەکردنەکە قەبارەکەی 36 ئینجە، لە وێستگەی "سارەلوو"ەوە درێژ دەبێتەوە بۆ وێستگەی (FKMS) لە زاخۆ و لەوێوە بەستراوەتەوە بە تۆڕی بۆرییەکانی هەرێمی کوردستان.

کۆمپانیاکە جەختی لەوە کردووەتەوە، کە سەرجەم بۆریەکان سەلامەتن و هێڵەکان توانای وەرگرتنی بڕی زیاتری نەوتیان هەیە و بڕیارە بە هەماهەنگی لەگەڵ وەزارەتی سامانە سروشتییەکانی هەرێم، بڕێ هەناردە زیاتر بکەن.

ئەمە لە کاتێكدایە ئەمڕۆ  18ی3ی2026،لە رێگەی بۆری نەوتی هەرێمەوە، دەست بە هەناردەی نەوتی عیراق کرایەوە و وەزارەتی سامانە سروشتییەکانی هەرێمیش رایگەیاند، سەرەتا وەک قۆناغی یەکم رۆژانە 250 هەزار بەرمیل لە رۆژێکدا هەناردە دەکرێت. 

PUKMEDIA