وێنەگرتن و بڵاوکردنەوەی ڤیدیۆی هێرشەکان قەدەغە کرا

PUKMEDIA

لۆگۆی حکومەتی هەریم

حکومەتی هەرێم لە راگەیەندراوێکدا بڵاوکردنەوەی گرتەی ڤیدیۆیی و کەوتنەخوارەوە و ئاراستەکردنی درۆن قەدەغە دەکات و رایدەگەیەنێت: نزیکبوونەوە لەو شوێنانەی کراونەتە ئامانج و وێنەگرتن و بڵاوکردنەوەی دیمەنەکان قەدەغەیە و دەزگاکانی راگەیاندن دەبێت بەرپرسیارانە مامەڵە بکەن و شوێنی رووداوەکان ئاشکرانەکەن.

حکومەتی هەرێمی کوردستان راگەیەندراوێک بڵاو دەکاتەوەو تێیدا رایدەگەیەنێت: ئاگاداری سەرجەم دەزگاکانی ڕاگەیاندنی (ناوخۆیی و بیانی) و هاووڵاتیانی خۆشەویست دەکەینەوە، لەپێناو پاراستنی ئاسایشی نیشتمانی و ڕێگریکردن لە هەر لێکەوتەیەکی نەرێنی، پێویستە هەمووان پابەندی ڕێنماییەکان بن و ناردنی ڤیدیۆ بۆ میدیاکان بەهەموو شێوەیەک قەدەغەیە.

ئاماژە بەوەشکراوە: نزیکبوونەوە لەو شوێنانەی کراونەتە ئامانج، یان وێنەگرتن و بڵاوکردنەوەی دیمەنەکانیان، بە هەموو شێوەیەک قەدەغەیە و سەرپێچیکار روبەڕووی سزای یاسایی دەبێتەوە، هاوکات دەزگاکانی ڕاگەیاندن دەبێت بەوپەڕی بەرپرسیارێتییەوە، مامەڵە بکەن و شوێنی ڕووداوەکان ئاشکرا نەکەن، هەر کەناڵێک پابەند نەبێت، ڕێکاری یاسایی توندی لە بەرامبەر دەگیرێتە بەر.

PUKMEDIA