ڕفعەت عەبدوڵا: جەخت لەكۆتایی هێنان بەتوندوتیژی دژی ژنان و پاراستنی مافەكانیان دەكەینەوە

PUKMEDIA

ڕفعەت عەبدوڵا جێگری سەرۆكی یەكێتیی نیشتمانیی كوردستان ​

ڕفعەت عەبدوڵا، جێگری سەرۆكی یەكێتیی نیشتمانیی كوردستان، بە بۆنەی  (8)ی مارسەوە، پەیامێكی پیرۆزبایی ئاراستەی ژنان و كچانی كوردستان و عیراق و جیهان دەكات كە ئەمە دەقەكەیەتی:

بەبۆنەی ڕۆژی جیهانی ژنانەوە، جوانترین پیرۆزبایی لەسەرجەم ژنانی كوردستان و عیراق و جیهان دەكەم، ئومێدی پێشكەوتنی زیاتریان بۆ دەكەم لەتێكۆشان و خەباتدا بۆ هێنانەدی یەكسانی و مافەكانیان.
خانمانی كوردستان، لەتێكڕای كایەكانی ژیاندا لەخەبات و قوربانی، نمونەی باڵای خۆڕاگری و جێگای شانازین، كەهەمیشە بەشێكی كاریگەرن لەكاروانی پێشكەوتن و ئازادی كوردستان و شانازی بەدەسكەوت و بەشداری كارایان دەكەین لەسەرجەم كایەكانی ژیانی كوردەواریدا.

لەیادی ژناندا، بەكردەیی جەخت لەكۆتایی هێنان بەتوندوتیژی دژی ژنان و پاراستنی مافەكانیان دەكەینەوەو دووپاتی دەكەینەوە كەپێشكەوتنی هەر كۆمەڵگەیەك بەندە بەدەستەبەركردنی ئازادی و بەهێزكردنی ڕۆڵی ژنانەوە.

ڕفعەت عەبدوڵا
جێگری سەرۆكی یەكێتیی نیشتمانیی كوردستان

PUKMEDIA