رۆژانە بە بەردەوامی 120 تۆن غازی شل بۆ سلێمانی دابین دەکرێت

PUKMEDIA

دابەشکردنی غازی ماڵان

رۆژانە 120 تۆن غازی شل بۆ پارێزگای سلێمانی دابین دەکرێت و سەرۆکى ئەنجوومەنى کارگەکانى غازیش رایدەگەیەنێت: هێزەکانی ئاسایش چاودێری پڕۆسەی فرۆشتنی غازی ماڵان دەکەن و لە ئێستاشدا لەبەردەم بەنزینخانەکان هەر بوتڵێکی غاز بە هەشت هەزار و 500 دینار دەفرۆشرێت. 

ئەندازیار ئەحمەد عەبدولمەجید، بەڕێوەبەری گشتی کۆمپانیای غازی باکور بەکوردسات نیوزی راگەیاند، ئەوان  رۆژانە بڕی دیاریکراوی غازی شل لەوەزارەتەوە بۆ پارێزگای سلێمانی دابین دەکەین.

بەڕێوەبەری گشتی کۆمپانیای غازی باکور دەشڵێت؛ ئەو بڕە غازەی لەئێستادا بۆ سلێمانی دابین دەکرێت 120 تۆنە لە رۆژێکدا.
راشیگەیاند: ئەو بڕە هیچ ئاڵوگۆڕێکی بەسەردا نەهاتوە و بەردەوامیش دەبێت.

لەلایەکی دیکەوە، کۆچەر تاهیر، سەرۆکى ئەنجوومەنى کارگەکانى غاز لە سلێمانى ڕایگەیاند، هێزەکانی ئاسایش بە هەماهەنگی لەگەڵ لیژنەی غازی قایمقامییەت، بە شێوەیەکی مەیدانی چاودێری پڕۆسەی فرۆشتنی غازی ماڵان دەکەن.

روونیشی کردەوە: ئامانج لەم هەنگاوە کۆنتڕۆڵکردنی نرخەکەیە بۆ ئەوەی ڕێگری لە قۆرغکاری بکرێت، لە ئێستاشدا لەبەردەم بەنزینخانەکان هەر بوتڵێکی غاز بە هەشت هەزار و 500 دینار دەفرۆشرێت.

PUKMEDIA