دڵنیایی ده‌درێت به‌ هاووڵاتیانی سلێمانی

PUKMEDIA

سلێمانی

پارێزگاری سلێمانی و سه‌رۆكی یه‌كه‌ ئیدارییه‌كانی پارێزگاكه‌ بۆ دۆخی نائاسایی كۆبوونه‌وه‌و هاووڵاتیانیان دڵنیاكرده‌وه‌ كه‌ له‌ هه‌بوونی هه‌موو پێداویستییه‌كان و چاودێریكردنی نرخ و پاراستنی كوالێتیی.

ئه‌مڕ‌ۆ، د. هه‌ڤاڵ ئه‌بوبه‌كر پارێزگاری سلێمانی، له‌چه‌ند كۆبوونه‌وه‌یه‌كدا؛ به‌ئاماده‌بوونی شاهۆ عوسمان جێگرانی پارێزگاری سلێمانی، قائیمقامی قه‌زای مه‌ڵبه‌ندی سلێمانی و قائیمقامه‌كانی سنوری پارێزگای سلێمانی و به‌ڕ‌ێوه‌به‌ری كۆچ و كۆچبه‌ران و وه‌ڵامدانه‌وه‌ی قه‌یرانه‌كان له‌پارێزگای سلێمانی، سه‌رۆكی شاره‌وانیی سلێمانی و به‌ڕ‌ێوه‌به‌ره‌ گشتیی و فه‌رمانگا خزمه‌تگوزارییه‌ په‌یوه‌ندیداره‌كان و به‌ڕ‌ێوه‌به‌رانی به‌ڕ‌ێوه‌به‌رێتییه‌كانی ئاسایش و به‌رگری شارستانیی و پۆلیس و هاتووچۆدا كۆبوه‌وه‌.

له‌كۆبوونه‌وه‌كه‌دا، ڕ‌ێكاری پێویست بۆ دۆخه‌ نائاسایی و له‌ناكاوه‌كان و چاودێریكردنی بازاڕ‌و ده‌روازه‌كان و سوته‌مه‌نیی و دۆخی ئاوو كاره‌باو ته‌ندروستی و خزمه‌تگوزارییه‌ گشتییه‌كان دیایی كران.

هه‌ر له‌كۆبوونه‌وه‌كه‌دا هاووڵاتیان دڵنیاكرانه‌وه‌ له‌ هه‌بوونی هه‌موو پێداویستییه‌كان و چاودێریكردنی نرخ و پاراستنی كوالێتیی، نه‌بوونی گرفتی هاتوچۆی بازرگانی و قه‌باره‌ی كاڵاو پێداویستییه‌كان.

هه‌روه‌ها بڕیاردرا كه‌ هه‌موو فه‌رمانگاكانی حكومه‌تی خۆجێی سلێمانی له‌خزمه‌تی به‌رده‌وامی هاووڵاتیان و پاراستنی ئاسایشی گشتیی و ئارامیی و پێشكه‌شكردنی خزمه‌گوزارییه‌ گشتییه‌كان و سه‌قامگیریی بازارو جوڵه‌ی بازرگانیی و ئابورییدا بن.

PUKMEDIA