قوباد تاڵەبانی: خاك نمونەیەكی دەگمەنە لەمێژووی میدیای كوردیدا

PUKMEDIA

قوباد تاڵەبانی سەرپەرشتیاری سكرتارییەتی سەرۆك مام جەلال

قوباد تاڵەبانی، سەرپەرشتیاری سكرتارییەتی سەرۆك مام جەلال، بەبۆنەی ساڵیادی دامەزراندنی خاك تیڤی-یەوە، پەیامێكی پیرۆزبایی ئاڕاستەی سەرپەرشتیارو كارمەندانی ناوەندی چاپەمەنی و راگەیاندنی خاك دەكات كە ئەمە دەقەكەیەتی: 

بەڕێزان  سەرپەرشتیار و بەڕێوەبەران و كارمەندانی ناوەندی چاپەمەنی و راگەیاندنی خاك

بەبۆنەی یادی 29 ساڵەی دامەزراندنی تەلەفزیۆنی خاك گەرمترین پیرۆزباییتان لێ دەكەین و هیوای سەركەوتن و بەردەوامیتان بۆ دەخوازین.

ناوەندی چاپەمەنی و راگەیاندنی خاك لە دوای راپەڕین روویەكی گەش و جوانی میدیای كوردییە، بە تایبەتیش بەو گرنگیدانەی بە بوارەكانی هونەر و كلتوور و رۆشنبیری و كۆمەڵایەتی تا ئێستاشی لەگەڵدابێت نمونەیەكی دەگمەنە لەناو مێژووی میدیای كوردی. 

هەربۆیە پێویستە ناوەندی چاپەمەنی و تەلەفزیۆنی خاك بەردەوام بێت لەسەر ئەم ستراتیژە و بە گوڕوتینێكی زیاتریشەوە كار بكات بۆ پێشخستنی بوارەكانی هونەر و كلتوور و رۆشنبیری وڵاتەكەمان و هاوكات بە پێویستیشی دەزانم میدیاكانی دیكەی كوردستانیش بە ئەزمون وەرگرتن لەو مێژووە جوانەی تەلەفزیۆنی خاك، بۆ لەمەودوا گرنگییەكی زیاتر بدەن بەو بوارانە، چونكە كۆمەڵگەی كوردستان پێویستی پێیەتی.

قوباد تاڵەبانی
سەرپەرشتیاری سكرتارییەتی سەرۆك مام جەلال

PUKMEDIA