مەكتەبی سیاسی: خاك ئەزموونێكی نوێ بوو لەناو میدیای كوردیدا

PUKMEDIA

لۆگۆی یەكێتیی نیشتمانیی كوردستان

مەكتەبی سیاسی  یەكێتیی نیشتمانیی كوردستان، بەبۆنەی ساڵیادی دامەزراندنی خاك تیڤی-یەوە، پەیامێكی پیرۆزبایی ئاڕاستەی سەرپەرشتیارو كارمەندانی ناوەندی چاپەمەنی و راگەیاندنی خاك دەكات كە ئەمە دەقەكەیەتی: 

بەڕێزان  سەرپەرشتیار و راگەیاندنكاران و كارمەندانی ناوەندی چاپەمەنی و راگەیاندنی خاك

لە یادی بیستو نۆیەمین  ساڵەی دامەزراندنی تەلەفزیۆنی  خاك-دا، گەرمترین پیرۆزباییتان لێدەكەین و هیوای سەركەوتنی  بەردەوامتان بۆ دەخوازین.

كارو بەرهەمەكانی تەلەفزیۆنی خاك  هەر لەسەرەتای دامەزراندنییەوە بە هەوڵە بێ پەرواكانی  میدیاكاری  دێرین  خاتوو  هێرۆ برایم  ئەحمەد  وەك  سەرپەرشتیارو  خەمخۆری  ئەو  بوارانە لەخاك تیڤی  و دواتر  بەشەكانی  گۆڤاری خاك و گۆڤاری تەنز ئامێزی سیخورمەو  رادیۆی خاك دا،  ئەزموونێكی نوێ بوو لەناو میدیای كوردیدا و  لەم ڕێگایەوە  بایەخێكی گەورە بە مێژوو و كەلتور و رۆشنبیریی و رۆڵێكی بەرچاویش درا بە پاراستنی زمان و دابونەریتی رەسەنی كوردەواری

ئەزموونی ئەم  چەند ساڵە  لەهەگبەو  ئەرشیفێكی  پڕ  لەبەخش  جێگەی  دەستخۆشیتانە  .

مەكتەبی  سیاسی  
یەكێتیی نیشتمانیی كوردستان

PUKMEDIA