وەفدێکی مەکتەبی ڕاگەیاندن سەردانی چیرۆکنوس حسێن عارف دەکەن

PUKMEDIA

وەفدێکی مەکتەبی ڕاگەیاندن لەگەڵ یاساناس و چیرۆکنووسی دیاری کورد "حسێن عارف"

وەفدێکی مەکتەبی ڕاگەیاندن و هۆشیاری، سەردانی یاساناس و چیرۆکنووسی دیاری کورد "حسێن عارف"یان کرد.

نیوەڕۆی ئەمڕۆ18ی2ی2026، بە نوێنەرایەتی عیماد ئەحمەد، ئەندامی مەکتەبی سیاسی و لێپرسراوی مەکتەبی ڕاگەیاندن و هۆشیاری، وەفدێکی مەکتەب کە پێکهاتبوون لە شوان کەریم کابان و د.عەدالەت عەبدوڵڵا یاریدەدەرانی لێپرسراوی مەکتەب و تانیا کەمال لێپرسراوی پەیوەندییەکانی مەکتەب، سەردانی یاساناس و چیرۆکنووسی دیاری گەلەکەمان م.حسێن عارف-یان لە شاری سلێمانی کرد.

لە دیدارێکدا، کە چیرۆکنووس م.ڕەئووف بێگەرد و نوسەر شێخ عەبدول ئامادەی بوون، لە نزیکەوە وەفدەکەی مەکتەبی ڕاگەیاندن و هۆشیاری لە باری تەندروستیی م.حسێن عارفیان پرسیوەو لەگەڵ پێشکەشکردنی چەپکەگوڵی ڕێزو خۆشەویستیدا سڵاوی یەکێتیی نیشتمانیی کوردستان و لێپرسراوی مەکتەبیان پێ ڕاگەیاند و هیوای لەشساغی و سەلامتیان بۆ خواست.
لە بەرامبەردا م.حسێن عارف خۆشحاڵیی خۆی دەربڕی و هەندێ لە یادگارییەکانی سەردەمی یەکێتی نووسەرانی کوردستان و گروپی ڕوانگەی باسکرد.

م.حسێن عارف عەبدولڕەحمان لە ساڵی 1936 لە شاری سلێمانی لە دایکبووەو پارێزەر و ڕۆژنامەنووس و چیرۆکنووسێکی دیاری کوردە و یەکێکە لە دامەزرێنەرانی گروپی ڕوانگە و یەکێتی نوسەرانی کوردستان. هاوکات یاساناسە و لە خولی یەکەمی پەرلەمانی کوردستاندا لەسەر فراکسیۆنی سەوزی یەکێتی ئەندامی خولی یەکەمی پەرلەمانی کوردستان بووە.

PUKMEDIA