مه‌كته‌بی سیاسی: رێكخستنه‌وه‌ى گۆڕ‌ان ببێته‌ مایه‌ی به‌شداری كاراتان له‌ پرۆسه‌ی سیاسی

PUKMEDIA

لۆگۆی یەکێتیی نیشتمانیی کوردستان و بزوتنەوەی گۆڕان

مەکتەبی سیاسی یەکێتی، بەبۆنەی بەستن و سەرکەوتنی کۆنفرانسی بزوتنەوەی گۆڕان، پیرۆزبایی گەرم لە دانا ئەحمەد مەجید ڕێکخەری گشتی و ئەندامانی جڤاتی نیشتمانی و سەرجەم هەڵسوڕاوانی و لایەنگرانی بزوتنەوەکە دەکات و رایدەگەیەنێت: هیوادارین ڕێکخستنەوە و پەرەپێدانی گۆڕان ببێتە مایەی پتەوکردنی بەشداری کاراتان لە پرۆسەی سیاسی وڵات و توندوتۆڵکردنی هاوخەباتیتان لەگەڵ یەکێتیی نیشتمانیی کوردستان و گشت لایەنە سیاسییەکانی کوردستان.

دەقى راگەیەنراوەکە:

بەڕێزان جڤاتی نیشتمانی بزوتنەوەی گۆڕان

بەبۆنەی بەستن و سەرکەوتنی کۆنفرانسی بزوتنەوەکەتان، بزوتنەوەی گۆڕان و هەڵبژاردنی جڤاتی نیشتمانی و ڕێکخەری گشتییەوە، پیرۆزبایی گەرم لە بەڕێزان کاک دانا ئەحمەد مەجید ڕێکخەری گشتی و ئەندامانی جڤاتی نیشتمانی و سەرجەم هەڵسوڕاوانی و لایەنگرانی بزوتنەوەکەتان دەکەین، هیوادارین ڕێکخستنەوە و پەرەپێدانی گۆڕان ببێتە مایەی پتەوکردنی بەشداری کاراتان لە پرۆسەی سیاسی وڵات و توندوتۆڵکردنی هاوخەباتیتان لەگەڵ یەکێتیی نیشتمانیی کوردستان و گشت لایەنە سیاسییەکانی کوردستان، لە پێناو خزمەتکردنی زیاتری گەل و نیشتمانە خۆشەویستەکەمان.
جارێکی تر پیرۆزە و سەرکەوتووبن.

مەکتەبی سیاسی
یەکێتیی نیشتمانیی کوردستان
18-2-2026

PUKMEDIA