مەکتەبی سکرتارییەت: تێکۆشەرانی دەڤەری باڵەکایەتی بوونەتە سمبولی خەباتی گەلەکەمان

مەکتەبی سکرتاریەت

مەکتەبی سکرتارییەت هەڤاڵانی تێکۆشەر بەسەردەکاتەوە

مەکتەبی سکرتارییەتی سەرۆک مام جەلال لە دوو سەردانی جیادا لە شاری رانیە و چوارقوڕنە، هەریەک لە هەڤاڵان مەلا براهیم داود ناسراو بە ( مەلا کۆدۆ ) و خدر حەسەن عەبدوڵڵا فەرماندەو تێکۆشەرانی دێرین  ـیان بەسەرکردەوە .

لەو سەردانانەدا ؛  مەکتەبی سکرتارییەت لە بارودۆخی تەندروستی هەڤاڵانیان پرسییەوە و هیوای سەلامەتی زیاتریان بۆ خوازرا .

مەکتەبی سکرتارییەتی سەرۆک مام جەلال، ستایشی رۆڵی جوامێرانەی هەڤاڵانی ئازاو تێکۆشەری دەڤەری باڵەکایەتی ـیان کرد وەک بەشێکی گەورەی سەرکەوتنەکانی شۆڕشی نوێ کە بە هەوڵ و تێکۆشانیان توانییان بەشێکی گرنگی سەرکەوتنەکانبن ؛ کە مەلا کۆدۆ و خدر حەسەن عەبدوڵڵا وەک “دوو تێکۆشەر و فەرماندەی ئازاو دانەبڕاو کە هەر لە سەرەتاوە سەنگەر کوردایەتییان کردە مەڵبەندی بە گژداچوونەوەی دوژمن . لە بەرامبەر ئەو رابردووە پاک و پڕ لە سەروەرییەشدا سڵاوی سەرۆک بافڵ جەلال تاڵەبانی و هەڤاڵ قوباد تاڵەبانی ـیان ئاڕاستەکراو رێز لە خەبات و تێکۆشانیان نرا.

لایخۆیانەوە ، هەڤاڵان مەلا کۆدۆ و خدر حەسەن عەبدوڵا سوپاسی بەسەرکردنەوەکەیان کرد و روونییان کردەوە “تواناو کاریزمای سەرۆک مام جەلال بەجۆرێک بوو توانی دوای هەرەس کوردایەتی بە گڕوتینێکی باشتر لە جاران جۆشبداتەوەو سەربکەوین بەسەر رژێمی بەعسی روخاودا “.بۆ ئێمەومانان کەلەم قوتابخانەیە خەباتمان کردووە بە شانازییەوە لەسەر هەمان رێباز بەردەوام دەبین .

PUKMEDIA