دابەشکردنی مووچە بەردەوامە

PUKMEDIA

مووچەی فەرمانبەرانی هەرێم

پرۆسه‌ی دابه‌شكردنی مووچه‌ له‌هه‌رێمی كوردستان بۆ دووه‌م رۆژ به‌رده‌وامه‌و ئه‌مڕ‌ۆ پێنجشەممە 12-2-2026 مووچه‌ی چه‌ندین وه‌زاره‌ت و ده‌سته‌ و لایه‌نی دیكه‌ دابه‌شده‌كرێت.

به‌پێی خشته‌ی راگه‌یه‌ندراوی وەزارەتی دارایی، ئه‌مڕ‌ۆ مووچه‌ی وه‌زاره‌ته‌كانی (دارایی، ناوخۆ، داد، پلاندانان، بازرگانی، سامانه‌ سروشتییه‌كان، گواستنه‌وه‌، كشتوكاڵ، شاره‌وانی، كار، رۆشنبیری، كاره‌با، ئه‌وقاف) و چه‌ندین ده‌سته‌ و فه‌رمانگه‌ی دیكه‌، له‌گه‌ڵ هێزه‌كانی زێره‌ڤانی و به‌رگری و فریاكه‌وتن، هه‌روه‌ها سێ سه‌رۆكایه‌تییه‌كه‌ی هه‌رێم دابه‌شده‌كرێت.

پاش نزیکەی 45 رۆژ دوێنێ چوارشەممە دەستکرا بە دابەشكردنی مووچەی مانگی 1ی فەرمانبەرانی هەرێم و بەپێی خشتەی وەزارەتی دارایی لەماوەی سێ رۆژدا دابەشکردنیی مووچە کۆتایی پێدێت و کۆتا رۆژیش کە رۆژی شەممەیە پیشمەرگەی دیوان و لیواکان و یەکەکانی 70 و 80 و بەڕێوەبەرایەتی پۆلیسی دام و دەزگا نەوتییەکان و ئەنجومەنی ئاسایش و دەزگای ئاسایش مووچە وەردەگرن.

PUKMEDIA