ئەمڕۆ لەهەرێم دابەشکردنی مووچە دەستپێدەکات

PUKMEDIA

دراوی عیراقی

وەزارەتی دارایی و ئابوری هەرێمی کوردستان، خشتەی مووچەی مانگی یەکی  فەرمانبەرانی راگەیاند و بەپێی خشتەکە لەماوەی سێ رۆژدا کۆتایی بە دابەشکردنی مووچە دەهێنرێت.

ئەمڕۆ چوارشەممە 11ی2ی2026 لەهەرێم دەست بەدابەشکردنی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان دەکرێت و بەپێی خشتەکە هەریەک لە وەزارەتەکانی ( خانەنشینی شارستانی و پیشمەرگە، زیندانییە سیاسییەکان+بەرکەوتووانی کیمیاباران، کەسوکاری شەهیدان و ئەنفالکراوان، کاروباری شەهیدان و ئەنفالکراوان، پەروەردە، تەندروستی، خوێندنی باڵا و توێژینەوەی زانستی) مووچە وەردەگرن.

هاوکات وەزارەتی دارایی داوای لە سەرجەم مووچەخۆران کردووە، لەدوای سەعات یەکی نیوەرۆ سەردانی بانکەکان بکەن بەمەبەستی وەرگرتنی مووچەکانیان بە پێی خشتەی ڕاگەیەنراو.

PUKMEDIA