سەعدی ئەحمەد پیرە پێشوازی لە مامۆستایانی خوێندنگەكانی ئیشق و نیلوفەر دەکات

نوسینگەی راگەیاندنی سەعدی ئەحمەد پیرە

سەعدی ئەحمەد پیرە و وەفدی کۆلێژەکانی ئیشق و نیلوڤەر

‎ئەمڕۆ دووشەممە 9ی2ی2026  سەعدی ئەحمەد پیرە ئەندامی مەکتەبی سیاسی یەکێتیی نیشتمانیی کوردستان لە بارەگای مەکتەبی سیاسی لە شاری هەولێر پێشوازی کرد لە مامۆستا هەڤاڵ سامی بەڕێوەبەری گشتی کۆلێژەکانی ئیشق و نیلوڤەر ، مامۆستا شێروان عەلی بەرپرسی پەیوەندییە گشتییەکانی کۆلێژەکانی ئیشق و نیلوفەر.  

‎لەدیدارێکی نێوان هەردوولادا مامۆستا هەڤاڵ سامی بەڕێوەبەری گشتی کۆلێژەکانی ئیشق و نیلوڤەر کورتەباسێکی لەسەر رەوشی خوێندن لە خویندنگا و کۆلێژەکانیان و ئەو خزمەتگوزاریە پەروەردەیی و کۆمەڵایەتیانە پێشکەشکرد، کە لەماوەی ساڵانی  رابردوو لە رێگەی خوێندنگە و زانکۆ و کۆلیژەکانی ئیشق لە شارە جیاجیاکانی هەرێمی کوردستان بە کەرکوکیشەوە کردوویانە بە جۆرێک کە لە رێگەی هەزاران خوێندکار تیایدا دەرچوون.

‎دواتر هەڤاڵ سەعدی ئەحمەد پیرە، وێرای بەگەرمی بەخێرهێنانی مامۆستایانی گروپی خوێندنگاكانی ئیشق و نیلوفەر سوپاس و ستایشی خزمەت و کارەکانی گروپی خوێندنگەكان و زانکۆی ئیشقی کرد، کە لە ماوەی رابردوودا رۆلێکی دیاریان هەبووە لە هاوکاریکردنی حکومەتی هەرێم و خەڵکی شارەکانی هەرێمی کوردستان لە کردنەوەی قوتابخانە و خولی خۆرایی، لە بەشێکی تری قسەکانیدا سەعدی ئەحمەد پیرە هیوای زیاتر سەرکەوتن و بەرەو پێشەوەچوونی کارەکانی بۆ خواستن و ئامادەیی هەموو هاوکاری و ئاسانکاریەکی بۆ سەرخستنی پلانەکانیان نیشاندا.

PUKMEDIA