کۆسرەت رەسوڵ عەلی پیرۆزبایی لە یەکگرتووی ئیسلامی کوردستان دەکات

PUKMEDIA

کۆسرەت رەسوڵ عەلی و مامۆستا سه‌ڵاحه‌دین محەمەد به‌هائه‌دین

کۆسرەت رەسوڵ عەلی،بەبۆنەی 32 هەمین ساڵیادی دامەزراندنی یەکگرتووی ئیسلامی کوردستان،پیرۆزبایی لە ئەمینداری یەکگرتوو و دۆست و لایەنگرانیان دەکات و ئومێدی سەرکەوتووتنیان بۆ دەخوازێت.

دەقی پیرۆزباییەکەی کۆسرەت رەسوڵ عەلی


برای بەڕێزم  مامۆستا سه‌ڵاحه‌دین محەمەد به‌هائه‌دین- ئەمینداری گشتی یەکگرتووی ئیسلامی کوردستان

(32) هەمین ساڵیادی دامەزراندنی یەکگرتووی ئیسلامی کوردستان لە جەنابت و سەرجەم ئەندامانی مەکتەبی سیاسی و دۆست و لایەنگرانتان پیرۆز دەکەم، ئومێد دەکەم سەرکەوتوو بن.

یەکگرتووی ئیسلامی کوردستان وەک هێزێکی تێکۆشەری میانڕەو، لەماوەی 32 ساڵ تەمەنی خۆیدا خزمەتی بەرچاوی کردووە و هەمیشە عامیلی خێر بووە لە چارەسەرکردنی کێشەکان، ئومێد دەکەم هەمیشە بەردەوام بن و درێژەپێدەری ئەو رێچکەیەتان بن، رۆڵی بەرچاوی خۆتان بگێڕن بۆ یەکڕیزی نێوان لایەنەکان و خەبات کردن لەپێناو گەیشتنی گەلەکەمان بە ئاواتە وەدینەهاتووەکانمان.

دووبارە ساڵیادی دامەزراندنتان پیرۆز بێت.

براتان
کۆسرەت رەسوڵ عەلی

PUKMEDIA