بافڵ جەلال تاڵەبانی پیرۆزبایی لە یەکگرتووی ئیسلامیی کوردستان دەکات

PUKMEDIA

سەرۆک بافڵ جەلال تاڵەبانى و مامۆستا سه‌ڵاحه‌دین محەمەد به‌هائه‌دین

بافڵ جەلال تاڵەبانی سەرۆکی یەکێتیی نیشتمانیی کوردستان، بەهۆى یادی سی و دووهەمین ساڵەی راگەیاندنی یەکگرتووی ئیسلامی کوردستان، پیرۆزباییان ئاڕاستە دەکات و رایدەگەیەنێت: لەم بۆنەیەدا دووپات لە گەشەپێدانی پەیوەندییەکان و هەماهەنگی و هاریکاری زیاتر لە نێوانمان دەکەینەوە لە پێناو کارکردنمان بۆ زیاتر خزمەتکردنی خەڵکە خۆشەویستەکەمان و پاراستنی بەرژەوەندییە باڵاکان و بنیادنانی حکومڕانییەکی دادپەروەر و خزمەتگوزار.

دەقى پەیامەکەى سەرۆک بافڵ:


بەڕێز مامۆستا سه‌ڵاحه‌دین محەمەد به‌هائه‌دین، ئەمیندارى گشتیی یه‌كگرتووى ئیسلامى كوردستان.

بەڕێزانمان لە سەرکردایەتی و برایان و خوشکانمان لە یەکگرتووی ئیسلامی کوردستان.
سڵاوی خودای گەورەتان لێبێت.

لە یادی سی و دووهەمین ساڵەی راگەیاندنی یەکگرتووی ئیسلامی کوردستان، پیرۆزبایی گەرمتان لێدەکەم و هیوای سەرکەوتنی زیاترتان بۆ دەخوازم.

لەم رۆژەدا بەڕێزو پێزانینەوە لە رۆڵی جەنابتان و یەکگرتووی ئیسلامیی کوردستان دەڕوانین، وەک هێزێکی میانڕەو کە هەمیشە بەشێک بوون لە چارەسەر و پاراستنی تەبایی و برایەتی لە هەرێمەکەماندا.

لەم بۆنەیەدا دووپات لە گەشەپێدانی پەیوەندییەکان و هەماهەنگی و هاریکاری زیاتر لە نێوانمان دەکەینەوە لە پێناو کارکردنمان بۆ زیاتر خزمەتکردنی خەڵکە خۆشەویستەکەمان و پاراستنی بەرژەوەندییە باڵاکان و بنیادنانی حکومڕانییەکی دادپەروەر و خزمەتگوزار.
‌‎
‌‎هەر شاد و سەربەرز و سەرکەوتووبن

‌‎بافڵ جەلال تاڵەبانی
‌‎سەرۆکی یەکێتیی نیشتمانیی کوردستان

PUKMEDIA