مەکتەبى سیاسى یەکێتى: یەکگرتوو رۆلێکى میانڕەو دەبینێت

PUKMEDIA

لۆگۆى یەکێتیى نیشتمانیى کوردستان

ئەمڕۆ 6ى2ى2026 بەهۆى یادى 32 ساڵەی راگەیاندنی یەكگرتووی ئیسلامی  كوردستان، مەكتەبی سیاسی یەکێتیى نیشتمانیى کوردستان پیرۆزباییان ئاڕاستە دەکات و رایدەگەیەنێت: ئومێدەوارین  یەكگرتووی ئیسلامی رۆڵی هەبێت،  لە پتەوكردنی  لێكگەیشتن و هاوبەشێتی نێوانی حزب و لایەنە سیاسییەكانی  كوردستان. 

دەقى پەیامى مەكتەبی سیاسی یەکێتیى نیشتمانیى کوردستان:

لەیادی  32 ساڵەی  راگەیاندنی  یەكگرتووی ئیسلامی  كوردستاندا، پیرۆزباییەكی گەرم لە بەڕێزتان وگشت ئەندام و لایەنگرانی یەكگرتوو دەكەین  و هیوای سەركەوتنتان بۆ دەخوازین.

 یەكگرتووی ئیسلامی كوردستان  لە ماوەی چەند ساڵی كاركردنی لە گۆڕەپانی  سیاسی كوردستاندا رۆڵێكی ئیجابیی و میانڕەوانەی  بۆ پرسەكان  هەبوە و بەشێکی رەسەنی دیمەنی سیاسیی وڵاتەکەمانە.

 لەم  بۆنەیەدا  كە هەرێمی  كوردستان و عێراق  لە بەردەم چەند پرسێكی گرنگ و هەستیاری  ناوخۆیی و  ناوچەییدایە، لە پێناوی  بەرژەوەندیەكانی گەل و هەرێمەكەماندا  ئومێدەوارین  یەكگرتوی ئیسلامی  بەو گیانەوە  رۆڵی  هەبێت،  لە پتەوكردنی  لێكگەیشتن و هاوبەشێتی  نێوانی  حزب و لایەنە سیاسیەكانی  كوردستان  بۆ تێپەراندنی  ئەم  قۆناغە و دابینكردنی ئارامی و ئۆقرەیی  بۆ هەموان .

مەكتەبی سیاسی
یەكێتیی نیشتمانیی كوردستان

PUKMEDIA