مەكتەبی سكرتارییەت: تێكۆشەرانی كەركوك لەسەركەوتنی شۆڕشی نوێیدا رۆڵی كاریگەریان هەبوو

مەكتەبی سكرتارییەتی سەرۆك مام جەلال

سەردانی وەفدی مەكتەبی سكرتارییەت بۆلای تێكۆشەرانی كەركوك

رۆژی4ـی 2ـی 2026، وەفدی مەكتەبی سكرتارییەتی سەرۆك مام جەلال لەكەركوك لە سێ سەردانی جیادا هەریەك لە فەرماندەو تێكۆشەرانی دێرینی یەكێتی و گەلی كورد هەڤاڵان عەلی محەمەد رەسوڵ ناسراوبە (مام عەلی گەدە) و حەسیب سەمەد حەمەخان ناسراو بە ( شێخ مەحمود ) و نەقیب ئەحمەد ناسیح-ی كرد . 

لەو سەردانانەدا، ئەندامانی وەفدی مەكتەبی سكرتارییەت لە نزیكەوە لە بارودۆخی تەندروستی هەڤاڵانی تێكۆشەریان پرسییەوە و هیوای تەندروست باشیی و سەلامەتی هەمیشەییان بۆ خوازرا . 

هاوكات ئەندامانی وەفدی مەكتەبی سكرتارییەتی سەرۆك مام جەلال ستایشی رۆڵی دیار و كاریگەری هەڤاڵانی تێكۆشەری كەركوك و كەركوییەكانیان یانكرد لە سەرخستن و زیاتر بەهێزكردنی سەنگەرەكانی پێشەوەی شۆڕشی نوێ كە بە ورەیەكی بەرز و پڕ حەماسییەتەوە هاتبوونە مەیدانەكەوە كە هەریەك لە هەڤاڵان مام عەلی گەدە و شێخ مەحمود و نەقیب ئەحمەد وەك سێ نموونەی جوان و باڵای خەبات و تێكۆشان بۆ ئازادی و سەربەستی گەلەكەیان چەكی كوردایەتیان لە شاننا و سەنگەرەكانی پێشمەرگایەتیان كردبووە مەیدانی رووبەڕووبوونەوەی دوژمن و بۆ ساتێكیش دانەبڕان لە كوڕی خەبات و كوردایەتی، لەم رووەوە ئەندامانی مەكتەبی سكرتارییەت سڵاوی یەكێتییانەی سەرۆك بافڵ جەلال تاڵەبانی، هەڤاڵ قوباد تاڵەبانی ـیان ئاڕاستەكردن و بەشكۆوە رابردووی پڕ لە سەروەری و خەباتی پاكییان خرایەوە روو .

لە بەرامبەردا، هەڤاڵان مام عەلی گەدە و شێخ مەحمود و نەقیب ئەحمەد سوپاسی بەسەر كردنەوەكەیان كرد و رایانگەیاند: مایەی سەربەرزییە لە حیزبێكدا چەكی شەرەف و كوردایەتیمان لە شاننا سەركردەو رابەرەكەمان سەرۆك مام جەلال بوو، جێگەی خۆشحاڵییە حیزبەكەمان زیاتر لە هەمووكات یەك دەنگ و یەكگرتووە ئەمەش ئەو خواستەیە كە یەكێتییەكان كاری بۆ دەكەن كە ئەمەش بە رۆڵی سەركەوتووانەی سەرۆك بافڵ هاتۆتە دی .

PUKMEDIA