سەرۆك بافڵ: جەخت لەبرایەتی و یەكبوونمان لەپێناو خاك و خەڵك دەكەینەوە

راگەیاندنی سەرۆكی یەكێتیی نیشتمانیی كوردستان

بافڵ جەلال تاڵەبانی سەرۆكی یەكێتیی نیشتمانیی كوردستان

بافڵ جەلال تاڵەبانی، سەرۆكی یەكێتیی نیشتمانیی كوردستان، لە ساڵیادی 1ی شوباتدا پەیامێك بڵاودەكاتەوەو رایدەگەیەنێت: ئێمە وەك كورد، یەك چارەنووسمان هەیە، بۆیە بە رۆحییەتێكی كوردانەوە كار دەكەین بۆ پاراستنی ئامانجە باڵاكان و یەكبوونمان لەپێناو خەڵك و خاك و نەتەوەكەمان.

دەقی پەیامەكە:

لە ساڵڕۆژی كارەساتی تەقینەوەكانی 1ـی شوبات لە مەڵبەندی رێكخستنی یەكێتیی نیشتمانیی كوردستان و لقی پارتی دیموكراتی كوردستان تاجەگوڵینەی رێزو وەفا لەبەردەم گڵكۆی شەهیدە سەركردەكانمان، كادرو لایەنگری هەردوو حیزب و ئەو هاونیشتمانییانە دادەنێین كە شەهیدبوون.

ئێمە وەك كورد، یەك چارەنووسمان هەیە، بۆیە بە رۆحییەتێكی كوردانەوە كار دەكەین بۆ پاراستنی ئامانجە باڵاكان و رووبەڕووی تیرۆر و تۆقاندن دەبینەوە.

لەم رۆژدا جەخت لە پاندبوون بە هاوبەشێتی و برایەتی و یەكبوونمان لەپێناو خەڵك و خاك و نەتەوەكەمان دەكەینەوە.

بافڵ جەلال تاڵەبانی
سەرۆكی یەكێتیی نیشتمانیی كوردستان

PUKMEDIA