ڕفعەت عەبدوڵڵا: ساڵیادی 1 ی شوبات هاندەری تەبایی و یەكڕیزیمان بێت

نوسینگەى رۆژنامەوانى رەفعەت عەبدوڵڵا

ڕفعەت عەبدوڵا جێگری سەرۆکی یەکێتیی نیشتمانیی کوردستان

ڕفعەت عەبدوڵڵا،جێگری سەرۆكی یەكێتیی نیشتمانیی كوردستان، لە 22 هەمین ساڵیادی كارەساتی 1ی شوباتدا پەیامێك بڵاودەكاتەوەو رایدەگەیەنێت: شەهیدان و قوربانییەكان بوونە هەوێنی زیاتر بەهێزكردنی یەكگرتوویمان، دەشڵێت: بائەم یادە هاندەری تەبایمان بێت و بەیەكگرتوویی رووبەڕووی ئاستەنگ و ئاڵنگارییەكان ببینەوە.

دەقی پەیامەكە:

بەشكۆوە یادی شەهیدانی 1ی شوبات دەكەینەوەو لەبەردەم كێلی بەرزیاندا، سەری رێز بۆ گیانی پاكیان دادەنەوێنین.

تیرۆرستان بەو كردەوە نامرۆڤانەیان كوردو كوردستانیان كردە ئامانج، ویستیان بەخەونی گڵاویان ئامانجە مەزنەكانی كوردایەتی لەناوبەرن، بەڵام خوێنی شەهیدان و قوربانییەكان بوونە هەوێنی زیاتر بەهێزكردنی یەكگرتوویمان و تەبایی ناوماڵی كورد.

با ئەم یادە هاندەری تەبایی و یەكڕیزیمان بێت و بەیەكگرتوویی رووبەڕووی ئاستەنگ و ئاڵنگارییەكان ببینەوەو كوردستان سەرفرازبێت.

ڕفعەت عەبدوڵڵا
جێگری سەرۆكی یەكێتیی نیشتمانیی كوردستان

PUKMEDIA