سەعدی ئەحمەد پیرە سەردانی کۆمیتەی خەبات دەکات

PUKMEDIA

سەعدی ئەحمەد پیرە لە کۆمیتەی خەبات

ئەمڕۆ 31ى1ى2026، سەعدی ئەحمەد پیرە ئەندامی مەکتەبی سیاسی یەکێتی، بە یاوەرى وەفدێک سەردانى کۆمیتەی رێکخستنی 14ی خەباتی کرد و لەلایەن لێپرسراوی کۆمیتەی خەبات و ژمارەیەکی زۆر  لە هەڤاڵانى کۆمیتە و دانیشتوانی قەزای خەبات پێشوازیان لێکرا.

ئامانج لە سەردانەکەی هەڤاڵ سەعدی پیرە، پیرۆزبايی کردن بوو لە هەڤاڵ ئەرشەد رەزاق، لە پای دەستبەکاربونی وەك لێپرسراوی کۆمیتەی رێکخستنی یەکێتیی نیشتمانیی کوردستان لە قەزای خەبات.

لای خۆیەوە هەڤاڵ ئەرشەد رەزاق  زۆر بەگەرمی بەخێرهاتنی هەڤاڵ سەعدی ئەحمەد پیرە و هەڤاڵ رێباز بێرکۆتی و میوانەکانی-کرد و رایگەیاند: ئەم سەردانەی بەڕێزیان بۆ کۆمیتەکەیان بۆ ئێمە پشتیوانیەکی گرنگە و خۆمان بە خۆشحاڵ دەزانین ئەمڕۆ لە پێشوازی بەڕێزتان دانیشتوین و ئەم سەردانەی بەڕێزتان گڕوتینێکی زیاترمان پێدەدات بۆ بەرەوپێشبردنی یەکێتیی نیشتمانیی کوردستان لە سنوری کۆمیتەی رێکخستنی خەبات .

دواتر هەڤاڵ سەعدی ئەحمەد پیرە، سوپاسی ئەو پێشوازیە گەرمەی هەڤاڵانی کۆمیتەی خەبات و خەڵکی بەشەرەف و تێکۆشەری قەزای خەباتی کرد.

سەعدی ئەحمەد پیرە ئەندامی مەکتەبی سیاسی یەکێتیی نیشتمانیی کوردستان، بە یاوەری هەڤاڵان رێباز بێرکۆتی ئەندامی سەرکردایەتی یەکێتی، فاتیح مەلا قەرە لێپرسراوی لقی هەولێری پێشمەرگە دێرینەکانی یەکێتیی نیشتمانیی کوردستان، هەڤاڵ کانەبی باپیر سەردانی کۆمیتەی رێکخستنی 14ی خەباتی کردبوو، لەلایەن هەڤاڵ ئەرشەد رەزاق لێپرسراوی کۆمیتەی خەبات و هەڤاڵان لە ئەنجومەنی کۆمیتە و ژمارەیەکی زۆر لە ئەندام و کاردانی یەکێتی و دانیشتوانی قەزای خەبات لە سنوری پارێزگای هەولێر پێشوازیان لێکرا.

PUKMEDIA